P238K halaga ng shabu, nasamsam, 3 arestado
- Published on February 22, 2020
- by @peoplesbalita
ARESTADO ang tatlong hinihinalang sangkot sa illegal na droga kabilang ang isang security guard matapos makumpiskahan ng nasa P238K halaga ng shabu sa buy-bust operation ng Valenzuela City Police sa Caloocan city, kamakalawa ng gabi.
Kinilala ng bagong hepe ng Valenzuela Police na si P/Col. Fernando Ortega ang mga naarestong suspek na si Ronaldo Fernandez alyas “Uting”, 42, tricycle driver, Jayson Faustino, 42, welder, kapwa ng Bldg. H. Camarin Residence 1, Brgy. 175, Camarin, Caloocan, at Frederick Mercadejas, 40, ng Brixton St. Opel, Camarin.
Sa ulat, dakong alas-8:00 ng gabi nang ikasa ng mga operatiba ng Valenzuela Police Station Drug Enforcement Unit (SDEU) at Station Intillegence Branch (SIB) sa pangunguna ni P/Capt. Segundino Bulan Jr. sa ilalim ng pangangasiwa ni P/Col. Ortega ang bust-bust operation kontra sa mga suspek sa No. 416 Bldg .H, Camarin Residence 1, Brgy 175, Camarin, Caloocan City sa koordinasyon sa PDEA at Caloocan Police.
Matapos iabot ng mga suspek ang isang sachet ng shabu sa isang undercover police na nagpanggap na poseur-buyer kapalit ng P1,000 marked money ay agad silang sinunggaban nina PSSg Gabby Migano, PSSg Gerry Dacquil, PCpl Dario Dehita at PCpl Ed Shalom Abiertas.
Nakumpiska sa mga suspek ang humigi’t-kumulang sa 35 gramo ng hinihinalang shabu na nasa P238,000 street value ang halaga, buy-bust money, digital weighing scale at P300 bill. (Richard Mesa)
-
BAGONG REGIONAL DIRECTOR NG DOH-CALABARZON, PINANGALANAN NA
MAY bago nang itinalagang Regional Director ng DOH-CALABARZON (Cavite Laguna Batangas Rizal Quezon ) sa katauhan ni Dr Paula Paz M. Sydiongco. Si Sydiongco ay itinalaga ni DOH Secretary Francsico T. Duque bilang bagong Officer-in-charge ng Regional Office, CALABARZON bilang kapalit ni RD Eduardo C. Janairo na nagretiro nitong November 20, 2020 sa edad […]
-
IATF, pag-uusapan kung handa na ang NCR para sa Alert Level 1 – Año
PAG-UUSAPAN ng Inter-Agency Task Force (IATF) ang bagong quarantine status sa bansa hanggang sa pagtatapos ng Pebrero at kung handa na ang National Capital Region (NCR) sa Alert Level 1. Sa isang panayam, sinabi ni Interior Secretary Eduardo Año, ang bagong Alert level classification sa NCR mula Pebrero 16 hanggang 28 ay depende […]
-
‘Team Pilipinas sa Tokyo Olympics, emosyunal pa rin sa panalo ni Hidilyn ng gold medal’
Inamin ng chef de mission ng Team Pilipinas sa Tokyo Olympics na si Mariano “Nonong” Araneta na maging sila ay emosyunal sa matinding panalo noong Lunes ni Hidilyn Diaz sa weightlifting. Naikwento ni Araneta na hindi lamang sila nagdarasal kundi maging ang mga kamag-anak nila sa Pilipinas ay tinatawagan din para samahan sila […]