• February 28, 2024
  • Ang Diyaryong Pinagkakatiwalaan

P4.5 trilyon 2021 national budget pasado na sa Senado

Inaprubahan na sa ikatlo at huling pagbasa ng Senado ang panukalang P4.5 trilyon national budget para sa susunod na taon.

 

Bumoto ang 24 sena­dor pabor sa 2021 Gene­ral Appropriations Bill (GAB).

 

Tanging sina Sen. Leila de Lima na nana­natiling nakakulong at Sen. Ronald “Bato” dela Rosa na nagpositibo sa COVID-19 ang hindi naka­boto sa panukala.

 

Sinabi ni Sen. Sonny Angara, chairman ng Senate Committee on Finance na mananatili ang adhikain ng Senado na magamit ang pambansang budget sa pagbangon ng ekonomiya.

 

Matapos aprubahan, mag-uusap ang mga kinatawan ng Senado at House of Representatives sa isang bicameral conference committee upang i-reconcile ang pagkakaiba sa bersyon ng panukalang batas.

 

Inaasahang malalagdaan ni Pangulong Rodrigo Duterte ang panukalang pambansang pondo bago matapos ang taon.

 

‘Dagdag-bawas’ ng House haharangin ng Senado.

 

Samantala, kinastigo naman ni Sen. Pan­filo Lacson ang gina­wang dagdag-bawas ni House Speaker Lord Allan Velasco sa pondo ng mga kaalyado at kritikong kongresista sa ipinasa ng Kamara na 2021 national budget.

 

Ayon kay Lacson, hindi aksyon ng isang lider ang ipinakitang pagpabor ni Velasco sa kanyang mga supporters samantalang kitang-kita ang paglaglag nito sa mga kongresista na kaanib ni dating House Speaker at Taguig Rep. Alan Peter Cayetano.

 

Ilan sa nakatamasa ng malaking budget increase ay ang Benguet, Albay at Abra.

 

Hindi naman nabawa­san ang budget ni Cayeta­no sa kanyang distrito na maaaring respeto na rin umano sa dating House Speaker.

 

Sinabi ni Lacson na mali ang ginawang dagdag-bawas sa pondo dahil lalong naging malaki ang disparity o agwat ng naging hatian ng pondo sa pagitan ng mga kongresista, halimbawa na ang P15.351 billion sa isang distrito kumpara sa P620-M sa ilan.

 

Una na rin kinumpirma ni Cayetano na P300-M hanggang P1 billion ang naging kapalit ng pagsuporta ng mga kongresista kay Velasco, ito umano ang dahilan kung bakit nagmamadali sa turnover ng Speakership noong Oktubre.

 

“No matter how House members deny, the appropriations in their approved General Appropriations Bill were influenced by the change in their leadership,” paliwanag ni Lacson.

 

Samantala sinabi ni House Minority Leader Stephen Paduano na ang district allocations na kinukuwestiyon ni Lacson ay maaari pa namang mabago sa bicameral conference committee.

 

Bilang tugon, sinabi ni Lacson na kanya talagang haharangin sa Bicam ang idinagdag na budget at ilalaan ito sa mas kinakailangang pagkagastusan, pangunahin na ang health issues at pagbangon ng ekonomiya dulot ng pandemic.

 

Target ni Lacson na tanggalin sa 2021 budget ang may P60 billion na infrastructure allocation na ipinasok ng mga mambabatas sa DPWH budget. (ARA ROMERO)

Other News
  • PDu30, kinalampag ang mga govt agency na mag-implementa ng cashless payment systems sa pampublikong transportasyon

    IPINAG-UTOS ni Pangulong Rodrigo Roa Duterte sa mga ahensiya ng pamahalaan na mag-implementa ng cashless payment systems sa pampublikong transportasyon.   Sa public address ni Pangulong Dutere, Lunes ng gabi ay sinabi nito na gawing free of charge o libre ang beep cards sa mga mananakay. Nilinaw ng Pangulo na tanging ang card na ipamamahagi […]

  • Kamara tuloy ang laban kontra hoarders, price manipulators

    Magpapatuloy ang Kamara  sa ilalim ng pamumuno ni Speaker Ferdinand Martin Romualdez sa pagtugis sa mga hoarder at price manipulator. Kasunod na rin ito sa ulat na bumaba ng hanggang P10 ang kada kilo ng sibuyas. Pinuri naman ni Deputy Majority Leader Rep. David Suarez (Quezon Province), isa sa mga lider ng House committee on […]

  • Provincial buses muling pinayagan sa EDSA

    MULING  pinayagan ng Metropolitan Manila Development Authority (MMDA) ang mga provincial buses na dumaan sa EDSA mula 10:00 ng gabi hanggang 5:00 ng umaga kung saan magkakaron ng dalawang linggong dry run na nagsimula noong Huwebes ng gabi.     Sa isang pahayag ng MMDA sinabi nilang ang kanilang desisyon ay ayon sa isang resolusyon […]