‘Pacquiao naghahanda maging independent candidate sakaling ‘di katigan ng Comelec ang kanilang faction’
- Published on September 2, 2021
- by @peoplesbalita
Naghahanda na umano ng options si Sen. Manny Pacquiao sakaling hindi kilalanin ng Comelec at Supreme Court ang kanilang PDP-Laban bilang isang lehitimong partido.
Inamin ni PDP-Laban executive director Ron Munsayac, sakaling kilalanin ang grupo ni Energy Secretary Cusi ng Comelec, handa raw si Pacquiao tumakbo bilang isang independent candidate.
Una nang sinabi ni Pacman sa kanyang pagdating sa Pilipinas mula sa Amerika na pagkalipas pa ng 10 araw siya magdedesisyon kung tatakbo ba sa pagka-presidente at kung magreretiro na rin sa pagboboksing.
Giit naman ni Munsayac, may ilang mga partido ang nangangako rin na susuporta kay Pacquiao.
Gayunman, binigyang diin daw ng fighting senator kay Sen. Koko Pimentel na tumatayo na bagong chairman ng kanilang PDP-Laban na hindi nila iiwan ang partido at ipaglalaban ito kahit anuman ang mangyari.
Sa sunod na buwan ay nakatakdang magsagawa ng national assembly at maghahalal ng bagong opisyales ang partido at posibleng magproklama na rin ng kanilang standard-bearer sa 2022 presidential elections.
Posible ring mag-anunisyo ng bise presidente at ang 12 line up ng senatoriables.
Una nang inamin din ng chairman ng Comelec na “magiging madugo” ang kanilang pagdedesisyon kung sino ba talaga sa dalawang factions ng PDP-Laban ang lehitimong partido.
-
Bulacan, nagluksa sa pagpanaw ni Bokal Toti Ople
LUNGSOD NG MALOLOS – Nagluluksa ang Lalawigan ng Bulacan kasunod ng hindi inaasahang pagpanaw kahapon, Hulyo 13, 2023, ni Bokal Felix “Toti” V. Ople ng Unang Distrito, isa sa mga batikang lingkod bayan at mambabatas ng Sangguniang Panlalawigan. Tumagal ng ilang dekada ang serbisyo publiko ni Ople kung saan isang termino siyang nanungkulan […]
-
NFA, tinitingnan ang pagkakabit ng CCTVs sa mga warehouses, regular rotation ng mga tauhan sa sensitibong posisyon
INILATAG ni National Food Authority (NFA) acting Administrator Larry Lacson ang kanyang mga plano na magkabit ng closed-circuit television cameras (CCTVs) sa kanilang mga bodega at ilagay ang NFA personnel na humahawak ng sensitibong posisyon sa regular rotation. Sinabi ni Lacson na pinasimulan nya ang maraming ‘ procedural changes’ para pigilan ang insidente […]
-
Mahihirap na seniors, P1K na social pension sa DSWD simula Pebrero
SIMULA sa Pebrero ngayong taon ay makakatanggap na ng P1,000 monthly stipend ang mga mahihirap na senior citizen na benepisyaryo ng Social Pension ng Department of Social Welfare and Development (DSWD). Ayon kay DSWD Assistant Secretary for Strategic Communications Romel Lopez, ang pondo ay nakalakip sa DSWD 2024 budget base na rin […]