Pacquiao simula na sa training camp sa US
- Published on July 6, 2021
- by @peoplesbalita
Nasa Amerika na si eight-division world champion Manny Pacquiao upang doon ipagpatuloy ang training camp nito para sa unification fight laban kay reigning World Boxing Council (WBC) at International Boxing Federation (IBF) welterweight king Errol Spence Jr. sa Agosto 21 (Agosto 22 sa Maynila).
Bago umalis ng Pilipinas, muling iginiit ni Pacquiao na walang makapipigil sa laban at tuluy na tuloy ito.
“Tuloy ang laban!,” ani Pacquiao sa kabila ng banta ng Paradigm Sports na pipigilan nito ang laban dahil sa umano’y “breach of contract.”
Kasama ni Pacquiao na tumulak sa Amerika si chief trainer Buboy Fernandez kung saan naghihintay na sa Wild Card Gym sa Hollywood, California si Hall of Famer Freddie Roach.
Mabibigat na ensayo na ang pinagdaanan ni Pacquiao sa General Santos City kung saan sumalang ito sa ilang sparring sessions.
Ngunit inaasahang mas mataas na lebel ng training camp pa ang nakaabang kay Pacquiao sa Wild Card Gym para matiyak na handang-handa ito sa laban.
Noong Hunyo pa nagsimula sa matinding workout para sa laban si Pacquiao.
Sa Wild Card Gym din babalangkasin ng Team Pacquiao ang magiging game plan ng Pinoy champion para kay Spence.
May nakahanda nang plano si Fernandez para sa laban at inaasahang isasama pa ang sariling game plan ni Roach para lubos na matiyak ang panalo ni Pacquiao.
-
15 toneladang relief supplies hinatid ng C-130 sa Cebu
Naihatid na ng C-130 aircraft ng Philippine Air Force (PAF) ang nasa 15 tonelada ng relief supplies para sa mga biktima ng Bagyong Odette sa Cebu. Ayon kay PAF Spokesperson Lt. Col. Maynard Mariano, ang mga relief supplies ay inilipad mula sa Villamor Airbase patungong Benito Ebuen Airbase sa Mactan kahapon sa dalawang […]
-
2 pushers kulong sa baril at shabu
Rehas na bakal ang kinasadlakan ng dalawang tulak ng ilegal na droga matapos makumpiskahan ng baril at P68-K halaga ng shabu sa isinagawang buy-bust operation ng pulisya sa Caloocan City. Kinilala ni Caloocan police chief Col. Samuel Mina Jr. ang naarestong mga suspek na si Michael Ponayo, 37 at Orwin Callejo, 37, kapwa (watch-listed pusher). […]
-
DOE, naghihintay ng ‘go signal’ mula sa Malakanyang para sa hydrogen exploration contracts
HINIHINTAY ng Department of Energy (DOE) ang pagsang-ayon ni Pangulong Ferdinand Marcos Jr. para simulan ang hydrogen exploration sa Pilipinas bilang bahagi ng nagpapatuloy na pagsisikap ng gobyerno para pagiba-ibahin ang energy sources. Sa sidelines ng Stratbase ADR Institute’s Pilipinas Conference 2024, sinabi ni Energy Secretary Raphael P.M. Lotilla na ia-anunsyo ng DOE ang […]