PAGBILI NG COVID-19 VACCINE, DAPAT GOV’T-TO-GOV’T TRANSACTION – DUTERTE

MAS gusto ni Pangulong Rodrigo Roa Duterte ang government-to-government transaction sa pagbili ng vaccine laban sa COVID-19 mula sa China.

Ang katwiran ng Pangulo, mas bukas kasi ang korapsyon kapag nakipag-deal sa private entities.

“Ayaw ko ‘yung bibili tayo sa private Chinese businessmen. Diyan magkakalokohan,” ayon kay Pangulong Duterte sa kanyang taped address, araw ng Martes.

“Hindi kami manghihingi, we will pay. Sana government-to- government ang transaction, walang corruption,” dagdag na pahayag nito.

Sa ulat, mayroon ng inilaan ang pamahalaan na P2.5 bilyong piso para bumili ng vaccines laban sa COVID-19, subalit sinabi ng Department of Health na ang halagang ito ay kapos ng P10.5 billion.

Gayunman, sinabi ng Chief Executive na mayroon siyang “full confidence” na matutulungan ng Chinese government ang Pilipinas pagdating sa bakuna laban sa COVID-19.

“I believe in Chinese expertise and knowledge. Hindi ako nagkamali, meron na sila,” ang pahayag ni Pangulong Duterte.

“I had a meeting with the [Chinese] ambassador [to the Philippines], he said the vaccine is there. It is a matter of kung paano i- distribute, and what kind of transaction it would be for them and for us,” dagdag na pahayag nito.

Aniya pa, sa ngayon, tanging ang Sinovac vaccine ng China ang may malinaw at dumaan sa masusing pagsisiyasat ng Vaccine Experts Panel (VEP) ng Pilipinas.

Iyon nga lamang, kailangan pa rin na makakuha ang Sinovac ng approval mula sa Ethics Board bago pa ito makapag-aplay para sa Food and Drug Administration (FDA) clearance para sa clinical trial sa Pilipinas.

Ang VEP ang nagrerebisa ng Phases 1 at 2 ng clinical trials ng mga kandidatong bakuna habang ang Ethics Board naman ang nage-evaluate sa pagpili para sa mga magpapartisipa para sa clinical trials, “among other safe- guards that the vaccine manufacturer provided for the partici- pants.” (Daris Jose)