• March 23, 2023
  • Ang Diyaryong Pinagkakatiwalaan

Pagkilala sa mga pangunahing produkto ng Catanduanes, Davao City at San Jose, Batangas, aprubado

INAPRUBAHAN kahapon ng House Committee on Agriculture and Food na pinangunahan ni Vice Chairman at Negros Occidental Rep. Francisco Benitez ang House Bills 6149, 7460 at 7660 na maggagawad ng pagkilala sa mga mahahalagang produkto ng Catanduanes, Davao City at San Jose, Batangas.

 

Ang HB 6149 na inihain ni TGP Party-list Rep. Jose Teves Jr. ay kinikilala ang Catanduanes bilang “Abaca Capital of the Philippines” dahil sa pagiging pinakamalaking pinanggagalingan ng abaca na bihira lamang na makukuha sa bansa, at nagsu-suplay ng mataas na kalidad ng natural na hibla sa buong mundo.

 

Sinabi ni Philippine Council for Agriculture and Fisheries (PCAF) Executive Director Dr. Liza Battad PhD na ang panukala ay magbibigay ng suporta at pagtuon sa pagsisikap ng Department of Agriculture (DA), lalo na ang Phlippine Fiber Industry Development Authority (PhilFIDA), sa paglalagay ng istratehiyang plano upang paunlarin at suportahan ang mga nasa larangan ng industriya ng abaca.

 

Inaprubahan din ng komite ang HB 7460 na iniakda ni Abono Party-list Rep. at Deputy Speaker Conrado Estrella III na nagdedeklara sa Lungsod ng Davao bilang Chocolate and Cacao Production Capital of the Philippines.

 

Ang Davao Cacao ay kinikilala bilang isa sa pinakamahusay sa buong mundo at ang mga lokal na uri nito ay nakikipagpaligsahan sa mga pandaigdigang kompetisyon, bukod pa sa maraming lokal at pandaigdigang tagagawa ng tsokolate ay binibili ang kanilang mga buto sa Davao.

 

Aprubado din sa komite ang HB 7660 o ang panukalang “Egg Basket Act” na inihain ni Batangas Rep. Lianda Bolilia na nagsabing ang San Jose, Batangas ay nakakapag-suplay ng 705 metriko tonelada ng itlog ng manok kada araw na dahilan upang maging pinakanangungunang bayan sa bansa sa produksyon ng itlog ng manok. (Ara Romero)

Other News
  • PGH, PELIGRO SA KAKULANGAN NG NURSE

    NALALAGASAN ngayon ng mga nurse ang Philippine General Hospital (PGH) matapos na magsipagbitiw sa ospital.     Ayon kay PGH spokesperson Jonas Del Rosario may kabuuang 107 nurse ang nagbitiw sa Ospital  mula noong nakaraang taon.     Aniya, 59 nurse ang nagbitiw noong nakaraang taon habang 48 ang natira mula Enero hanggang Hunyo ngayong […]

  • OBRERO TIMBOG SA P23-K SHABU

    NATIMBOG ang isang obrero na sangkot umano sa pagtutulak ng illegal na droga matapos bentahan ng shabu ang isang pulis sa buy-bust operation sa Navotas city, kamakalawa ng gabi.   Kinilala ni Navotas police chief Col. Rolando Balasabas ang naarestong suspek na si Mark Del Mondo alyas Tolo, 34, ng Tulay 1, Brgy. Daanghari.   […]

  • Ads November 2, 2021