2020 November 07 Archive - People's Balita

April 20, 2024
Search in People's Balita
Ang Diyaryong Pinagkakatiwalaan

Archive for November 7th, 2020

NDRRMC todo paghahanda na rin vs ‘Siony’: Mining, tourism, quarrying activities tigil muna

Posted on: November 7th, 2020 by @peoplesbalita No Comments

NAGHAHANDA na ngayon ang National Disaster Risk Reduction and Management Council (NDRRMC) bilang paghahanda sa bagyong Siony sa kabila ng nagpapatuloy na disaster response sa bagyong Rolly.

Una nang pinulong ng Council ang mga regional DRRMCs para talakayin ang on-going preparation sa severe tropical storm Siony.

Kabilang sa tinalakay sa pulong ay ang pagpapatupad ng pre-emptive evacuation sa mga lugar na highly susceptible sa storm surge, floods at landslides; dissemination of warnings sa mga lugar na maaapektuhan; prepositioning of food, non-food items at mga gamot sa ibat ibang strategic locations, activation ng medical teams mula sa DOH para sa posibleng deployment.

Naglabas din ang NDRRMC ng direktiba sa mga RDRRMC mem- ber agencies at LDRRMCs para itigil muna ang mining activities, tourism activities, at quarrying.

Iniulat naman ng Cordillera RDRRMC, na nagsagawa na sila ng pre-emptive evacuation sa mga flood and landslide prone areas sa probinsiya ng Apayao, Kalinga at Benguet.

Samantala, nagpulong na rin ang NDRRMC na pinangunahan ni DSWD Asec Encabo.

Dumalo rito ang UN Humanitarian Country Team kung saan pinag-usapan ang paghahanda sa pagsasagawa ng Rapid Damage Assessment and Needs Analysis (RDANA) mission sa mga lugar na lubhang naapektuhan ng supertyphoon Rolly.

PDU30, HINDI NAGMAMADALI NA IPAWALANG-BISA ANG VFA

Posted on: November 7th, 2020 by @peoplesbalita No Comments

HINDI nagmamadali si Pangulong Rodrigo Roa Duterte na ipawalang-bisa ang Visiting Forces Agreement (VFA)ng Pilipinas sa Estados Unidos.

Sinabi ni Presidential Spokesperson Harry Roque, maaaring i-postpone ni Pangulong Duterte para sa panibagong anim na buwan ang termination o pagtatapos ng VFA.

“That (VFA termination) has an option of being further extended by another six months. So, my thinking is, perhaps the President will invoke the second six month time to finally abrogate the VFA,”ayon kay Sec. Roque.

“But, anyway, what I am saying is, there is no immediate rush for the President to decide because the notification we sent to the Americans gives them at least one year leeway before it’s abrogated,” dagdag na pahayag ni Sec. Roque.

Matatandaang, sinuspinde muna ng Pilipinas ang pagsasawalang-bisa ng kontrobersyal na Visiting Forces Agreement (VFA) kasama ang Estados Unidos “kasabay ng mga kaganapang pulitikal” sa rehiyon, sabi ni Foreign Affairs Secretary Teodoro Locsin Jr.

“[T]he termination of the Agreement between the Government of the Republic of the Philippines and the Government of United States of America Regarding the Treatment of United States Forces Visiting the Philippines… is hereby suspended,” wika ng kalihim.

“The suspension shall start on even date and shall continue for six months, which period is extendible by the Philippines for another six months.”

Ayon kay Locsin, ang naturang diplomatic note sa Embahada ng Amerika ay natanggap na ng Washington.

Ikinalugod ng naturang bansa ang desisyon ng Pilipinas, na natanggap daw nila noong ika-1 ng Hunyo, lalo na’t matagal na raw ang relasyon ng dalawa.

“Our long-standing alliance has benefited both countries, and we look forward to continued close security and defense cooperation with the Philippines,” sabi ng embahada.

Ika-11 ng Pebrero nang ihain ng Pilipinas ang pagtatapos ng VFA, na naglalatag ng iba’t ibang probisyon kaugnay ng mga sundalong Amerikano na pinahihintulutang pumunta ng bansa dahil sa alyansang militar.

Ginawa ni Pangulong Rodrigo Duterte ang desisyon kasabay ng pagtindi ng pakikipagkaibigan ng Pilipinas sa Tsina at Rusya, pagsasalita ng ilang US politicians sa isyu ng karapatang pantao sa bansa, at “pangingialam” ng Amerika sa mga usaping panloob.

Nasa 300 military engagements sana ang nakaplano sa pagitan ng Pilipinas at US ngayong 2020, gayunpaman nakansela ito dahil sa noo’y VFA termination at coronavirus disease (COVID- 19).

Ikinalungkot na noon ni US Defense Secretary Mark Esper noong Pebrero na desisyon ng bansa, at tinawag itong “wrong direction,” lalo na’t dapat magtulungan ang dalawang bansa para pasunurin ang Tsina sa “international rules of order.”

Una nang nagbanta si Duterte na puputulin ang agreement kung hindi babawiin ng Estados Unidos ang kanselasyon ng US visa ni Sen. Ronald “Bato” dela Rosa, na kilalang tagapagpatupad ng madugong gera kontra droga ni Duterte.

Gayunpaman, sinabi ng Bagong Alyansang Makabayan (BAYAN) na dapat may kaugnayan sa soberanya ang pagputol sa VFA, at hindi dahil sa paglalakwatsa ni Dela Rosa.

Dekada ’90s pa nang manawagan ang mga aktibista na putulin ang VFA sa dahilang hindi basta-basta mapapanagot sa Pilipinas ang mga sundalong Kano na lalabag sa Philippine law. Hindi rin nila kinakailangan ng pasaporte o visa para makapasok ng bansa. (Daris Jose)

Karate magtatayo ng bubble training camp sa Laguna

Posted on: November 7th, 2020 by @peoplesbalita No Comments

HINIHINTAY na lamang ng Karate Pilipinas Sports Federation Inc. (KSFP) ang go-signal mula sa Philippine Sports Commission (PSC) at Philippine Olympic Committee (POC) para makapagtayo ng bubble training camp sa Inspire Sports Academy sa Calamba, Laguna upang paghandaan ang nalalapit na Olympic Qualifying Tournament.

Ayon kay KSFP president Richard Lim, kumpiyansa silang masisimulan na ang planong isolation training para sa mga Pinoy karatekas upang makuha na nila ang tamang timing, spacing, reaction at diskarte sa pakikipag-sparring na tiyak na malaking tulong para maihanda ang anim na na- tional team members sa World Olympic qualifying sa Hunyo 11- 13, 2021 sa Paris, France.

Kinilala ang anim na karatekas na sina 2019 Southeast Asian Games gold medalists Junna Tsukii (women’s 50kgs kumite) at Jamie Lim (women’s +61kgs), at biennial meet bronze medal- ists Joane Orbon (women’s – 61kgs), Sharief Afif (men’s +75kgs), Ivan Agustin (men’s – 75kgs) at Alwyn Batican (men’s -67kgs).

“We’re hoping that they can finally bring our athletes sa bubble so that we can do the proper timing, distancing and the reactions, but in terms of fitness and conditioning, they are in tip top shape 100%. and I’m pretty sure about that cause I seen their meetings,” pahayag ni Lim, Huwebes ng umaga sa lingguhang TOPS: Usapang Sports online session na suportado ng Philippine Amusement and Gaming Corporation, Philippine Sports Commission at Games and Amusement Board.

Gayunpaman, hindi kumbinsido si Lim sa gaganaping training sa loob ng bubble camp, bagkus ay kinakailangan nila ng mga bigating makakalaban o sparring partners para mas lalo pang mahasa ang kanilang mga kakayanan at husay sa pakikipaglaban sa bansang Turkey.

“We submitted a request to PSC, that our athletes must train abroad as early as January and February, in Istanbul all of the players,” saad ni Lim. “But since training partners are a little bit scarce in the Philippines, we need to have training partners abroad, who are world class karatekas. Yung training system na ginagawa nila maa-adopt natin and at the same time nasusukat na natin yung level natin kung saan tayo,” paliwanag ni Lim.

Sangkot sa pastillas scheme pinakakasuhan

Posted on: November 7th, 2020 by @peoplesbalita No Comments

PINAKAKASUHAN na ng NBI Special Action Unit (NBI-SAU) sa Office of the Ombudsman ng kasong administratibo at criminal ang 86 personalidad na sangkot sa umanoy ‘Pastillas Scheme’.

Sa 27 pahinang reklamo ng NBI-SAU na inihain sa Ombudsman, pinangalanan ang mga matataas na opisyal ng Bureau of Immigration na bahagi umano sa ‘Pastillas group’ at na-tag ang dating Division Chief of Port Operations Division na si Marc Red MarinÞas, Immigration Officer 2, bilang mastermind.

Dawit din umano ang lahat ng mga terminal head ng terminal Control and Enforcement Unit sa NAIA 1,2 at 3 at ang over-all head ng BI Border Control and Intelligence Unit bilang bahagi ng sinasabing umanoy sindikato.

Sinabi ni NBI SAU chief Atty. Jun Donggallo Jr. na ang kaso laban sa 86 personalidad ay napagtibay sa mga rebelasyong ginawa at ebidensya na ibinigay ng pangalawang whistleblower na si Immigration Officer Dale Ignacio.

Sinabi ni Donggalo na si Ignacio ay nagsilbing “insider” at ginagampanan ang isang mahalagang papel bilang tagabantay ng mga listahan ng mga Chinese nationals na pinaburan ng grupo.

Kinumpirma rin ni Ignacio ang mga rebelasyong ibinahagi naman ng unang whistleblower na si Immigration Officer Allison Chiong.

Hiniling naman ng NBI sa Ombudsman na alisin si Ignacio sa listahan ng sasampahan ng kasong kriminal sa Ombudsman at sa halip ay magamit ito bilang state witness.

Sa panig naman ng BI, sinabi ni BI spokesperson Dana Sandoval na hindi pa nila natatanggap ang reklamo gayunman agad umanong tatanggalin ang nasabing mga opisyal mula sa kanilang puwesto kung hindi pa sila na-relieve.

Ang BI ang nagpapatupad ng “one strike policy” laban sa mga tiwaling tauhan nito.

Sinabi naman ni NBI Director Eric Distor na hahabolin nila ang natitira pang miyembro ng Pastillas group kabilang ang mga pribadong indibidwal, travel agencies at posibleng protektor ng ‘Pastillas Scheme’. (Gene Adsuara)

Maine, pinusuan ng netizens ang pinost na photo collage nila ni Arjo

Posted on: November 7th, 2020 by @peoplesbalita No Comments

PINUSUAN ng netizens ang IG post ni Maine Mendoza sa pagbati ng, “happy birthday” na may kasamang heart Arjo Atayde na nag-30 na noong November 5.

Halos umabot sa kalahating milyon ang milyo ang nag-like sa post ni Maine na may kalakip na nakakikilig at nakatutuwang photo collage nila ni Arjo.

Ilan sa naging comments:

“Happy birthday @arjoatayde! Cute niyo!” “Happy Birthday @arjoatayde! Stay happy you guys = @mainedcm.”

“OMG KILIG AKO SA INYO.”

“Happy birthday @arjoatayde ! Uwaw close hahaha.”

“Ang ayos ng mga pic wla bang mas aayos pa dyan!? Love u both.”

Nag-comment din ni @ginalajar, “Happy Birthday to Arjo!!! Inaanak ko yan… stay safe and happy…”

“Eto yung hinihintay ko.”

“Love this.”

“Awww so sweet… Happiest birthday to you @arjoatayde!”

“Sana all! Love you @mainedcm.” “Happy birthday to @arjoatayde wish more love sa inyong dalawa..”

“They look happy at maganda close sila sa family ng isat isa. Love love lang.”

As usual may basher pa rin, dahil nag-react si @mylenedizonbruno, “

@reezabelo close??? edited lang ang lahat dba scripted w/pay.”

@ r a m i r e z k h r i s t i n e , “@mylenedizonbruno takot kc sa boss nila. kasama sila sa sarzuela…”

Sabi naman ni @reezabelo, “@mylenedizonbruno bes move on na may personal lives na sila. Wag masyado mabulag sa false fantasies ha.”

@ _ a g u i l a r m a j z h , “@mylenedizonbruno hahaha nganga. Papayag ka bang magkapera lng sa ganyang paraan? Eh may trabaho nman xa. Hnd nman desperado si maine sa pera siguro no. Para magpabayad ng ganyan. Real na di pa tanggap..”

Sagot naman ni @mylenedizonbruno, “@reezabelo. kayo ang mahilig magkunwari.”

@ 1 6 8 8 a l a b a n g g i r l , “@mylenedizonbruno nay asikasuhin mo na lang mga anak mo kesa mabuhay ka sa imaginations mo. 2020 na na stuck ata kayo sa 2015.

@ y e h b a b y y y , @mylenedizonbruno hahahaha.. hallucinating.”

Sabi pa ng isang netizen, “Ayan na proof ha! Si YayaDub na talaga pumatay sa Aldub Nation kaya yung mga natitirang delulu dyan gising gising na. Pero in fairness, marami ako nabasa na mga ADN fans na nag withdraw na ng support kay Maine after she posted this photo at Solid Alden na lang daw sila ngayon.”

Samantala, nag-post na rin si Sylvia Sanchez sa kanyang IG account kasama ang series of photos kasama si Maine at ang buong pamilya Atayde na kuha sa kanilang bahay sa White Plains, na ‘di maikukubli ang kanilang kaligayahan.

Post niya sa @sylviasanchez_a,

“Masaya ako anak @arjoatayde kasi alam kong masayang masaya ka.

Maligayang kaarawan sayo. Love you. #family #happiness #grateful #blessed #thankuLORD Happy morning.”

Na agad naman nag-comment si Arjo ng kanyang pasasalamat at pagmamahal sa nanay na aktres.

“I love you ma! Thank you for cooking and for just always having my back. I love you so much.” (ROHN ROMULO)

Future elections sa bansa, hindi masisira ng karahasan

Posted on: November 7th, 2020 by @peoplesbalita No Comments

UMAASA ang Malakanyang na ang future elections sa bansa ay hindi masisira ng karahasan.

Kasalukuyang hinihintay ng Malakanyang at ng buong mundo kung sino kina incumbent US President Donald Trump at Democratic challenger Joe Biden ang mananalo sa White House.

“Sana po matutunan din natin na magkaroon ng eleksyon na walang nasasaktan, walang namamatay bagama’t parang natuto naman po ang mga Amerikano doon sa allegation ng fraud,”ayon kay Sec. Roque.

“Sana po sa eleksyon natin ganoon din na mapayapa at mahinahon ang lahat,” dagdag na pahayag ni Sec. Roque.

Sinabi ni Sec. Roque na nagiging pangkaraniwan na kasi para sa election-related violence na mangyari bago, habang at pagkatapos ng halalan sa bansa sa kabila ng ipinatutupad na months-long gun ban.

Mayroon din aniyang alegasyon ng panloloko.

Ang susunod na general elections ay idaraos sa May 2022.

Nauna rito, sinabi ni Sec. Roque na walang magbabago at mananatili ang bilateral relations ng Pilipinas at Estados Unidos sinuman kina re-electionist US president Donald Trump at dating Vice President Joe Biden ang manalo sa ginaganap ngayong presidential election.

Ani Sec. Roque, sinuman ang tanghaling Presidente ng Amerika matapos ang resulta ng halalan ay mananatiling mainit ang relasyon sa pagitan ng US at ng Pilipinas.

At kung sakali naman aniya na si Biden ang lumusot sa US presidential elections ay naka-handa aniya si Pangulong Duterte na makabuo ng pagkakaibigan dito.

Ang makabubuti aniya ngayon ay hintayin ang resulta ng ikinakasang eleksiyon sa Amerika na inaabangan ng buong mundo.

Mensahe na lang ng Malacañang kina Trump at Biden, “may the best man win.” (Bishop Jesus “Jemba” M. Basco)

Phoenix inambush ang San Miguel

Posted on: November 7th, 2020 by @peoplesbalita No Comments

BINUHAT ni RJ Jazul ang Phoenix Super LPG sa panalo kontra sa San Miguel Beermen, 110-103, sa 2020 PBA Philippine Cup na ginanap sa Angeles University Gym sa Pampanga.

Sumiklab ang 5-foot-11 at kumamada ang 33 career high points kasama ang siyam na three points kung saan malaki sa kanyang naibuslo ay sa 4 th quarter dahilan para makuha ng Phoenix ang kanilang ika-anim na panalo.

Bawat buslo ng Beermen ay sinasagot ng Phoenix na tila hindi napagod sa laban.

Bukod kay Jazul, naging susi rin sa panalo sina Matthew Wright na may 10 points at 10 assists at Calvin Abueva na laging nagdadala ng sigla at lakas sa koponan.

Dahil sa panalo, pinutol ng Fuel Masters ang four-game winning streak ng reigning five time champion San Miguel at pormal na din silang nakapasok sa quarterfinals sa anim na panalo sa siyam na laro.

Warriors at Heat pinag-aagawan si Antetokounmpo

Posted on: November 7th, 2020 by @peoplesbalita No Comments

PINAG-AAGAWAN ng Golden State Warriors at Miami Heat si 2020 NBA most valuable player Giannis Antetokounmpo.

Ipinalutang kasi ng Miami Heat na mayroon ng nakahandang kontrata at pirma na lamang ni Antetokounmpo ang kulang.

Pinag-aagawan ng Golden State Warriors at Miami Heat si 2020 NBA most valuable player Giannis Antetokounmpo.

Ipinalutang kasi ng Miami Heat na mayroon ng nakahandang kontrata at pirma na lamang ni Antetokounmpo ang kulang.

Ilang mambabatas nagbigay ng 1 buwang sahod para sa nasalanta ni #RollyPH

Posted on: November 7th, 2020 by @peoplesbalita No Comments

ISANG buwan sahod ang ibibigay ng ilang mambabatas bilang tulong sa mga nasalanta ng bagyong Quinta at Rolly.

Sinabi ng tanggapan ni Houe Speaker Lord Allan Velasco na isang fund drive ang gagawin ng Kamara para sa mga biktima ng bagyo at pangunahin na rito ang donasyon na manggagaling mula mismo sa mga mambabatas.

Noong Lunes sinimulan ang fund drive at ngayon ay P7 milyon na ang nalikom.

Ayon kay House Secretary General Jocelia Bighani Sipin, maliban sa cash donations ay umapela din ng tulong sa mga non perishable items si Velasco gaya ng mga toiletries, damit, tsinelas na dadalhin sa Bicol Region.

“We are setting up donation boxes and all departments in Congress are encouraged to drop what they can to help the typhoon victims. Donations may also be coursed through the Office of the Secretary General throughout the donation drive from November 4 to 13,pahayag ni Sipin.

Nasa 17 katao ang naitalang nasawi sa pananalasa ng Bagyong Rolly habang 130,634 pamilya ang nawalan ng tirahan.

BI nanawagan sa mga Airlines na huwag pasakayin ang mga banyaga na walang VISAS

Posted on: November 7th, 2020 by @peoplesbalita No Comments

UMAPELA ang Bureau of Immigration (BI) sa mga airlines na huwag pasakayain ang mga banyaga na papunta sa Pilipinas na walang naangkop na visa para pumasok sa bansa.

Ayon kay Immigration Commissioner Jaime Morente, ito ay bunsod sa ulat na maraming mga banyaga ang tinanggihan sa Ninoy Aquino International Airport (NAIA) dahil sa kawalan ng visas gayundin sa Intenational Airport sa Mactan, Cebu and Clark, Pampanga.

Ayon kay Morente, pananagutan ng isang airlines na alamin kung ang mga banyagang ito ay may kaukulang visa at abala din sa kanila kung tatanggihan sila sa pagdating nila sa airports.

“Apart from shouldering the cost of returning these aliens to their port or origin, it is also the responsibility of the airlines to defray the expenses of their accommodation at the airport while awaiting their return flights,” ayon kay Morente.

Nanawagan din si Morente sa mga airlines na updated sila sa mga bagong inilalabas na international travel mula sa Inter-Agency Task Force on Emerging Infectious Diseases (IATF) kung saan nakikita sa BI website at mga social media accounts nila.

Ipinaalala din ni Atty. Candy Tan, BI Port Operations Division chief, sa mga ailines na huwag pasakayion ang mga banyaga na “improperly documented”.

“We understand that sudden change in policy happens worldwide because of the pandemic. Borders keep on opening and closing, depending on the number of COVID-19 cases,” said Tan. “Hence we are in close coordination with airlines to update them on the policies as directed by the IATF. We are thankful for their cooperation, it’s a difficult time for everyone, especially for the airline industry, and through their support we are able to implement these measures to avoid the surge of cases in the country,” ayon pa kay Tan. (Gene Adsuara)