Pamamahagi ng fuel subsidy sa jeepney drivers, umarangkada na – LTFRB
- Published on November 27, 2021
- by @peoplesbalita
Nagsimula nang magkaloob ang pamahalaan ng fuel subsidies na may halagang P1 bilyon para sa may 136,000 driver ng pampasaherong jeep upang maibsan ang epektong dulot sa patuloy na pagtaas ng halaga ng petroleum products.
Ito ay makaraang ilunsad ng Land Transportation Franchising and Regulatory Board (LTFRB) ang ‘Pantawid Pasada Fuel Program’ (PPP) na tutulong sa mga driver na apektado ang kabuhayan ng oil price hike.
“Bagama’t nakita natin sa nakaraang ilang linggo, bahagyang bumaba ang presyo ng krudo at gasolina pero mataas pa rin ang presyo kumpara sa umpisa ng taong ito. Kailangang tulungan natin ang transport sector, lalung-lalo na ang mga tsuper at operator ng public utility jeepneys,” pahayag ni LTFRB chairman Martin Delgra.
Aniya ang subsidy ay hindi lamang para mabawasan ang gastusin sa pagkakarga ng krudo ng mga driver ng jeep kundi upang matiyak na may maghahatid sundo sa mga mananakay ngayong panahon ng pandemic.
Sinabi ni Delgra na may matatanggap na P7,200 ang bawat sasakyan na one-time subsidy at ang pondo ay ipapasok sa PPP cards ng mga driver.
Nilinaw ng LTFRB na ang subsidy ay maaari lamang magamit na pambayad sa ikakargang krudo ng mga jeep sa siyam na participating petroleum retail outlets o gasoline stations.
Ang mga lalabag sa paggamit ng PPP cards ay awtomatikong aalisan ng anumang benepisyo sa pamahalaan at tatanggalin sa subsidy program na nasa ilalim ng Tax Reform for Acceleration and Inclusion (TRAIN) Law.
Ang LTFRB ay may 85,000 active PPP card holders at 78,000 dito ay tumanggap na ng kanilang subsidies.
Sinabi ni Delgra na ang mga wala pang cards ay maghintay lamang dahil patuloy ang pagpoproseso dito ng Land Bank of the Philippines para sa printing at pamamahagi nito. (Gene Adsuara)
-
Dreamworks Animation’s ‘The Bad Guys’ Brings Best-Selling Children’s Book Series to Life
NEVER have there been five friends as infamous as The Bad Guys—dashing pickpocket Mr. Wolf (Academy Award® winner Sam Rockwell, Three Billboards Outside Ebbing, Missouri), seen-it-all safecracker Mr. Snake (Marc Maron, GLOW), chill master-of-disguise Mr. Shark (Craig Robinson, Hot Tub Time Machine franchise), short-fused “muscle” Mr. Piranha (Anthony Ramos, In the Heights) and sharp-tongued expert hacker […]
-
TOTAL CASHLESS FARES SA PUBLIC TRANSPORT HUWAG ISULONG – DAPAT MAY OPTION ANG MGA PASAHERO!
Dahil panahon ng pandemya ay marami ang nagsusulong ng cashless transaction para maiwasan ang skin contact at pigilan ang hawaan ng COVID-19. Ok yan! Pero nilinaw ng World Health Organization na wala silang opisyal na pahayag na nakukuha ang virus sa palitan ng pera. Pero sabi nga mas ok na doble ingat tayo. Samantala, yung one […]
-
Mga Pinoy sa India na nasa repatriation program ng gov’t, ‘exempted’ sa travel ban – Palasyo
Nilinaw ng Malacanang na ang mga Pinoy workers sa India at anim pang bansa na kabilang sa repatriation programs ng pamahalaan at mga recruitment agencies ay maaari pa ring makapasok sa Pilipinas. Ito’y sa kabila ng nakapataw na travel ban sa India, gayundin sa Pakistan, Bangladesh, Sri Lanka, Nepal, United Arab Emirates, at […]