Pangulong Marcos: Vice President Sara ‘di sisibakin sa DepEd
- Published on April 25, 2024
- by @peoplesbalita
SINIGURO ni Pangulong Ferdinand Marcos Jr. na hindi niya sisibakin o papalitan sa pwesto si Vice President Sara Duterte.
Ayon sa Pangulo, ang hindi pagkakaintindihan ng kanyang maybahay na si First Lady Liza at ni Duterte ay hindi sapat para sibakin niya ang huli bilang kalihim ng DepEd.
Tiniyak din ng Pangulo na ang mga patutsada ng Unang Ginang ay hindi makakaapekto sa pagta-trabaho nila ng Bise Presidente.
Paliwanag ng Pangulo, na lahat ng Cabinet secretaries ay maaaring palitan kapag hindi na nila ginagawa ang trabaho o kapag hindi na kaya at nagkasakit.
Gayundin kapag hindi talaga marunong o korap ay talagang tatanggaling nila sa pwesto, subalit si VP Sara ay hindi naman anya ganoon.
Naniniwala naman si Pangulong Marcos na wala silang dapat ayusin ni Sara dahil nauunawaan niya bilang maybahay ang saloobin at sentimyento ni Liza.
Ayon sa Pangulo, tiwala siya na hindi sineseryoso ni Duterte ang mga nasabi ng Unang Ginang dahil isa rin itong maybahay at naiintindihan ang nararamdaman ng kanyang misis.
“I think that she, also as a wife, understands how the First Lady feels, when you have to sit there and listen to these attacks that are being made against your husband,” aniya.
Hindi anya galing sa pamilya ng politiko ang Unang Ginang kaya hindi sanay sa mga batikos partikular na sa kanya, habang sila ay manhid na dito at sa mga insulto. (Daris Jose)
-
Ikalawang yugto ng digmaan sa Ukraine, nagsimula na
INIHAYAG ni Ukraine Office of the President head Andriy Yermak na nagsimula na sa rehiyon ng Donbas ang “ikalawang yugto ng digmaan”. Sa nasabing aktibidad, mas pinalakas pa ng Russia ang kanilang opensiba. Ngunit, hinimok ni Yermak ang mamamayan ng Ukraine na magtiwala sa kanilang Armed Forces. Nauna nang […]
-
Pfizer-BioNTech sinimulan na ang trial ng kanilang bakuna laban sa Omicron coronavirus variant
SINIMULAN na ng Pfizer-BioNTech ang clinical trial ng kanilang bagong COVID-19 vaccine na target ang Omicron variant. Plano ng kumpanya na subukan ito bilang booster shots sa mga bakunado na. Habang tatlong beses naman na ituturok sa mga hindi pa nababakunahan laban sa COVID-19. Inaasahan na mahigit 1,400 na […]
-
Kontrabida ni Darna, ‘di kasama sa ni-reveal na cast: JULIA, bagay raw gumanap na Valentina at puwede rin sina HEAVEN at AJ
IPINAKILALA na ang cast ng Darna TV series na pagbibidahan ni Jane de Leon at ididirek ng master director na si Chito S. Rono. Pero wala pang announcement ang production kung sino ang gaganap na Valentina, ang babaeng ahas na kontrabida ni Darna. Bakit kaya wala pa silang napipiling artista for […]