Panukala na nagbabawal sa karera sa mga pampublikong lansangan aprubado
- Published on November 7, 2020
- by @peoplesbalita
INAPRUBAHAN na ng House Committee on Transportation sa Kamara ang House Bill 3391 o ang panukalang “Drag Racing Ban Act” na inihain ni Quezon City Rep. Precious Hipolito-Castelo.
Layon ng panukala na ipagbawal ang karera ng mga sasakyan sa mga pampublikong lansangan at patawan ng mabigat na parusa ang mga lalabag dito.
Inaayos na ng komite ang panukala batay sa istilo at mga amyenda.
“Hindi naman nakakatulong [ito]. Bagkus, ito ay nakakaperwisyo. Normally and usually, nakakapaminsala ito ng mga kagamitan, tao at mga komunidad. Hindi lang yun, nagdudulot din ito ng polusyon sa ingay,” ani Hipolito-Castelo.
Ilan sa mga panukalang amyenda ay ang mungkahi ni Committee Vice-Chair at RAM Party-list Rep. Aloysa Lim na palawigin ang batas sa pamamagitan ng pagsasailalim ng regulasyon imbes na ipagbawal ang drag racing.
Sa pamamagitan aniya nito ay masasakop ang parehong legal at iligal na drag racing.
Samantala, sinuportahan naman ni Land Transportation Office (LTO) Assistant Secretary Edgar Galvante ang panukala.
Iminungkahi ni Galvante na gawaran din ng kapangyarihan sa ilalim ng panukala ang Department of Interior and Local Government (DILG), Philippine National Police (PNP) at ang mga lokal na pamahalaan sa implementasyon kapag naisabatas ang panukala.
Nagpahayag rin ng suporta si Department of Transpotation (DOTr) Assistant Secretary Steven Pastor sa panukala at kanyang iminungkahi na lahat ng mga sasakyang mahuhuli na ginagamit sa drag racing ay kukumpiskahin upang ma impound. Ang pagdinig ay pinamunuan ni Committee Chair Rep. Edgar Mary Sarmiento. (Ara Romero)
-
Kaya waging Scariest Costume sa ‘The Sparkle Spell’: MIGUEL, pinapangit at nagmukhang weird pero labas pa rin ang kaguwapuhan
ISA si Kokoy de Santos sa mga artista na marunong magpahalaga sa kanyang mga fans o supporter o tagahanga. “Mahal ko talaga sila,” bulalas ng guwapong Sparkle artist. “Kasi bilang ako nga fan din ako, marami rin akong hinahangaan and yung feeling na pag napapansin ako ng hinahangaan ko parang ano […]
-
Dahil sa init at pertussis, blended learning ibalik
KASUNOD ng pagbabalik-eskwela matapos ang Mahal na Araw, hinimok ni Senador Win Gatchalian ang mga punong-guro na magpatupad muna ng blended learning sa gitna ng pangamba ng mga magulang sa banta ng pertussis o whooping cough at mainit na panahon. “Nais nating paalalahanan ang mga punong-guro na kung may banta sa kaligtasan ng […]
-
Alamin: Sinu-sinong immunocompromise ang prayoridad sa 3rd dose ng COVID vaccine?
Inilabas ng Department of Health (DOH) ang listahan ng mga immunocompromised conditions na bibigyan ng prayoridad sa pagkuha ng pangatlong doses ng bakuna laban sa COVID-19. Ayon kay Health Undersecretary Maria Rosario Vergeire, ang listahan ng mga immunocompromised conditions ay pinagtibay mula sa rekomendasyon ng World Health Organization’s Strategic Group of Experts […]