Panukalang magbabawal sa ‘no permit, no exam’ policy sa private schools, aprubado na sa Kamara
- Published on May 11, 2023
- by @peoplesbalita
INAPRUBAHAN ng Kamara nitong Lunes ang panukalang magpapataw ng administrative sanctions laban sa mga private elementary at high school educational institutions na hahadlang sa mga estudyante na kumuha ng nakatakdang periodic examinations dahil hindi nakabayad ng kanilang financial obligations.
Umaasa si Speaker Ferdinand Martin Romualdez na sa pagkaka-apruba ng panukala ay makakatulong sa mga magulang at estudyante sa problema na hindi makapag-exam dahil hindi nakabayad sa kanilang tuition at iba pang school fees dahil sa balidong dahilan.
Ayon sa speaker, may pagkakataon na hindi maiwasan ang pagkakaroon ng emergencies at pangyayari na dahilan kung bakit hindi agad makabayad ang pamilya sa kanilang obligasyon.
Ilan sa mga pangunahing awtor ng panukala ay sina Reps. Roman Romulo, Manuel Jose Dalipe, Gus Tambunting, Marvin Rillo, Camille Villar, Salvador Pleyto, France Castro, Ma. Rene Ann Lourdes G. Matibag, Jaye Lacson-Noel, at iba pang mambabatas.
Sa botong 259, inaprubahan ng kamara ang House Bill 7584 para makakuha ang mga estudyante ng private basic educational institutions na makakuha ng pagsusulit sa kabila na hindi ito nakabayad ng school fees dala na rin ng emergencies, force majeure, at iba pang sapat na dahilan.
Upang mabalanse naman ang pangangailangan din ng pribadong paaralan, nakasaad sa Section 4 ng panukala na ang mga magulang o guardians ng estudyante ay kailangang magsumite ng promissory note bago kumuha ng exam. (Ara Romero)
-
Pacquiao, ginulat ang mundo na ‘done deal’ na ang August fight vs undefeated champ Errol Spence
Binulabog ni Senator Manny Pacquiao nitong Sabado ng madaling araw (afternoon in US) ang mundo ng boxing nang ianunsiyo niya sa pamamagitan ng kanyang social media account ang laban kontra sa undefeated welterweight champion na si Errol Spence. Ang unified welterweight championships ay gaganapin sa August 21 nitong taon sa Las Vegas. […]
-
Pinas, planong gamitin ang mining revenues para sa Maharlika Investment Fund
PLANO ng Pilipinas na tapikin ang mining industry para tumulong na suportahan ang nililikhang sovereign wealth fund. Habang sinimulan na ng 18-member government delegation ang World Economic Forum annual meetings hinggil sa global pitch para sa Maharlika Investment Fund (MIF), Ipinaliwanag ni Finance Secretary Benjamin Diokno na ang konsepto ng sovereign wealth fund […]
-
Ginebra nakuha ang kampeonato ng PBA Governors’ Cup matapos ang panalo sa Game 6 vs Bolts
NAKUHA muli ng Barangay Ginebra ang kampeonato ng PBA Governor’s Cup finals matapos na ilampaso ang Meralco Bolts 103-92. Nadomina ng Ginebra ang best of seven finals ng makalamang sa serye ng 4-2. Sa pagtatapos ng second quarter ay naging tabla pa sa 47-all ang laro. Dito na umarangkada […]