• May 26, 2024
  • Ang Diyaryong Pinagkakatiwalaan

Parking problem

PARKING ang isang malaking problema sa Metro Manila. Dulot na rin ito ng dami ng sasakyan at ang kawalan ng sapat na mapaparadahan. Kaya naman problema ang epekto nito sa ating mga kababayan.

 

Kaya para lang siguro masolusyunan kahit papano ang ‘parking problem’ – nauso ang tinatawag na “one-side parking” sa mga lansangan kung saan pinahihintulutan pumarada sa isang “side” ng ilang piling kalsada ang mga sasakyan na walang sariling parking.

 

Ngunit may umaabuso sa pribilehiyong ito gaya na yung mga may higit sa isa ang sasakyan; mga PUVs na dapat may sariling garahe pero wala; yung mga hindi naman nakatira sa nasabing kalye pero sinasarili ang ibang available parking slots doon, etc. Ang iba ay ayaw sa sistema ng one-side parking dahil unfair daw sa kanila na may mga sariling garahe.

 

Sa mga business establishments ay parking pa rin ang problema. Maraming negosyo na walang sariling parking kaya ang ginagawa nilang parking para sa mga customers ay bangketa o kalsada.

 

Ang ilan pa nga naglalagay na ng “exclusive” parking sign at inaangkin na ang mga bangketa. Katwiran ng mga negosyante – pag hindi nila ginawa ito paparada ng matagal sa kanilang harapan ang mga sasakyan ng kung sino man at mawawalan ng paradahan ang kanilang mismong mga customers. At ang resulta ay apektado negosyo. Umaangal naman ang ibang negosyante na naglaan ng sapat na parking spaces para sa customers sa loob ng kanilang property.

 

Ang hinaing nila ay dapat patas ang laban. Yung mga negosyante na pinaliit ang structure ng negosyo nila para maglaan ng parking slots samatalang yung iba ay ginagamit na “libreng parking” ang bangketa na pag-aari ng gobyerno. Problema rin ang “garaging”. Dahil may iba na hindi lang nagpa-park kundi ginagawa nang garahe ang sidewalks at mga kalye.

 

Maraming ganitong kaso sa mga condominium residents. Ayaw magbayad ng parking fee sa loob ng mismong Condo o kaya ay wala talagang sapat na parking space ang nasabing Condo. Kaya tuloy ang garahe nila ay ang kalye.

 

Sa ibang lugar, sa gabi, ay mistulang parking area ang harap ng mga condominium buildings. Problema pa rin ang mga Public Utility Vehicles o PUVs. Required kasi ng LTFRB na may sapat na garahe sila pero makikita na marami ay sa kalye nakabalandra kahit pa may mga batas at ordinansa na nagbabawal sa mga ito.

 

Dahil na rin talaga siguro sa volume ng sasakyan, marami pa rin ang pasaway kahit pilit na mahigpit na ipinatutupad ang mga nasabing batas at ordinansa. Ang depensa ng mga lumalabag sa batas ay dapat palusutin sila dahil gabi naman at wala nang traffic.

 

Kahit pa nasa harap na ng sasakyan nila ang “NO Parking” sign. Unfair daw naman ito sa mga nagbabayad ng parking space at garahe para sa sarili nilang gamit. Ilan sa mga suhestyon para sa problemang ito ay yung “pay parking scheme” sa lansangan at ang paghanap ng mga bakanteng lugar para maging parking atbp.

 

Pero anuman ang solusyon ang ilatag kung patuloy pa rin ang pagdami ng sasakyan magiging problema pa rin ang parking. (Atty. Ariel Enrile-Inton)

Other News
  • Deployment ng China Coast Guard sa WPS, overkill

    INILARAWAN ng Philippine Coast Guard (PCG) na “overkill” ang deployment ng China  ng ilang China Coast Guard (CCG) at Chinese maritime militia vessels sa Scarborough Shoal (panatag Shoal) sa panahon ng civilian mission na “Atin Ito”.     Nasa 10 CCG vessels, 10 Chinese maritime militia ships at isang people’s Liberation Army  (PLA) vessel ang […]

  • Bagong number coding scheme pinag-aaralan

    May bagong number coding scheme ang pinag-aaralan ng Metropolitan Manila Development Authority (MMDA) na ipapatupad kung saan dalawang (2) araw sa isang (1) linggo na bawal ang pribadong sasakyan na lumabas sa mga lansangan.     Inihayag ito ni MMDA chairman Romando Aries sa isang panayam na ginawa noong nagkaron ng President Duterte’s Talk to […]

  • Updated Red, Green, and Yellow List , inaprubahan ng IATF

    INAPRUBAHAN ng Inter-Agency Task Force (IATF), araw ng Huwebes, Oktubre 28, 2021 at ipinalabas ang updated Red, Green, and Yellow List nito epektibo Nobyembre 1 hanggang Nobyembre 15, 2021.   Ang bansang Latvia ay naka-classify sa ilalim ng Red List.   Inisa-isa naman ni Presidential Spokesperson Harry Roque ang mga bansa/jurisdictions/territories sa ilalim ng Green […]