Partial operation ang LRT 1 extension sa susunod na taon, tiniyak
- Published on February 14, 2020
- by @peoplesbalita
NAKIKITA ng Light Rail Manila Corporation (LRMC) na magkakaroon ng partial operation ang Light Rail Transit Line 1 Extension Project sa susunod na taon habang ang pamahalaan ay nangako na magkakaroon ng full delivery ng right-of-way.
Sinabi ni LRMC president at CEO Juan Alfonso na ang project ay may 33 percent completed na samantalang ang right-of-way naman ay may 90 percent ng cleared.
“The progress is going well and so far construction flow is doing good. For the right-of-way, it is almost complete. There are just issues being addressed on some of the stations, but I think we have solutions there,” wika ni Alfonso.
Ayon pa rin kay Alfonso, may darating na 30 train sets sa third quarter ng taon na galing sa Spain para sa P65.1 billion na LRT 1 extension project. Nagkaroon ng groundbreaking ceremony ng LRT 1 Cavite Extension noong Mayo 2017 subalit ang actual construction ay nagsimula matapos ang dalawang taon dahil sa mga issue sa righ-of-way.
Nagsimula naman ang actual na construction nang nakaraang Mayo 2019 dahil sa mga nangyayaring developments sa construction, tiniyak naman ni Alfonso na magagawa nilang magkaroon ng partial operation sa susunod na taon.
Inaasahan naman ng Department of Transportation (DOTr) na magkakaroon ng partial operation sa section ng Baclaran papuntang Dr. Santos sa Parañaque.
“The DOTr is pushing us to finish as early as possible so I think it is doable based on the timelines. They requested to finish by next year. We are coordinating with them, and we’re working with them so that we can deliver it by next year,” dagdag ni Alfonso.
Naglalayon ang 11.7 kilometer LRT 1 extension project na mabawasan ang travel time mula Baclaran papuntang Bacoor na dating higit sa isang oras upang maging 25 minutes na lamang.
Mula sa Baclaran, magkakaroon ito ng walong stations, ang mga ito ay ang mga sumusunod: Redemptorists, MIA, Asiaworld, Ninoy Aquino, Dr. Santos, Las Piñas, Zapote, at Niog. Kung kaya’t magkakaroon ito ng kabuoang 28 stations mula sa dating 20 stations lamang.
Ang Phase 1 ay mayroon pitong kilometers kung saan kasama ang stations ng Redemptorist, MIA, Asiaworld, Ninoy Aquino, at Dr. Santos. Ang LRT 1 extension project ay babagtas ng 33 kilometers mula sa Rooseveltstation sa Quezon City hanggang sa Niog, Bacoor sa Cavite.
Ang LRMC consortium na binubuo ng Metro Pacific Investments Corp.’s Metro Pacific Light Rail Corp., Ayala Corp.’s AC Infrastructure Holdings Corp., at Macquarie Infrastructure Holdings (Philippines) PTE Ltd., ay siyang nanalo ng kontrata para sa pagtatayo ng LRT-Cavite extension project.
Binigyan naman ng commendation ang LRMC ng DOTr dahil sa progress na nagaganap sa patuloy na construction ng LRT 1 extension. (LASACMAR)
-
KELOT TIKLO SA DRUG BUY BUST SA VALENZUELA
KULONG ang isang hinihinalang tulak ng illegal na droga matapos bentahan ng shabu ang isang pulis na nagpanggap na buyer sa buu bust operation sa Valenzuela City, kahapon ng umaga. Kinilala ni PLT Joel Madregalejo, hepe ng Station Drug Enforcement Unit (SDEU) ng Valenzuela police ang naarestong suspek na si Edmond Carreon alyas […]
-
Ex-DBM procurement head ‘susi’ sa overpriced face mask, face shield
Hinikayat ni Senate Minority Leader Franklin M. Drilon ang nagbitiw na si dating Budget Undersecretary Lloyd Christopher Lao na isiwalat ang mga nalalaman sa overpriced na face mask at face shield na binili ng Department of Health sa pamamagitan ng Procurement Service ng Department of Budget and Management. Naniniwala si Drilon na si […]
-
PNP maghihigpit sa mga quarantine checkpoints para pigilan ang pagkalat ng Delta variant ng Covid-19 – Eleazar
Ipinag-utos ni PNP Chief Gen. Guillermo Eleazar sa lahat ng pulis na striktong ipagpatuloy ang mahigpit na pagpapatupad ng mga protocol na inilatag ng national government bilang tugon sa nagpapatuloy na banta ng COVID 19. Ito’y kasunod ng babala ng Department of Health sa publiko tungkol sa COVID 19 Delta variant na laganap […]