• July 13, 2024
  • Ang Diyaryong Pinagkakatiwalaan

Archive for February 14th, 2020

Ex-adviser ni Digong protector ng POGO?

Posted on: February 14th, 2020 by @peoplesbalita No Comments

PINANGALANAN sa Senado ng isang babaeng Taiwanese ang umano’y protektor ng Philippine Offshore Gaming Operators (POGO) sa bansa na isang Michael Yang.

 

Sinabi naman ni Senador Risa Hontiveros na inaalam pa nito kung ang tinukoy na Michael Yang ng nasabing Taiwanese woman ay ang dating economic adviser ni Pangulong Rodrigo Duterte na may pangalan ding Michael Yang.
“Right now, our main concern is the humanitarian aspect. We haven’t gone to the checking of identities,” sabi ng senador.

 

Lumutang sa Senado ang biktimang si Lai Yu Cian, 23-anyos, upang ireklamo ang sinapit umano niyang pang-aabuso sa kamay ng Chinese national na nag-recruit sa kanya para magtrabaho sa POGO.

 

Kasama si Hontiveros, umiiyak na isinalaysay ni Lai, ang masamang sinapit sa pinapasukang POGO kung saan matagal umano siyang ikinulong at hindi pinabalik sa Taiwan.

 

Dito na niya ibinunyag ang isang umano’y government official na nagpoprotekta sa illegal POGO na pinapasukan nito kaya’t wala siyang magawa kung hindi sumunod sa ipinagagawang kahalayan.

 

“They want me to work for 24 hours, treating me like a slave. I already told them that I wanna go home, I wanna go back to Taiwan but they forced me to work for them. They told me that they have a protector behind them, which are government people,” sinabi ni Lai.

 

Tinukoy nito ang “very powerful” protector at employer umano niya na isang Michael Yang.

 

“I heard about once or twice when my supervisor got mad at me, they mention Michael Yang. He didn’t explain to me. He just shouts that at me,” ayon pa kay Lai.

 

Si Lai na dumating sa bansa bilang turista noong Oktubre 1 ng nakaraang taon at inalok na magtrabaho bilang administration personnel sa POGO ay isa sa 30 East Asians na nasagip sa Mandaluyong City noong Pebrero 3.

 

“I did not know that it was an illegal business here. I know nothing. The only thing I know is I wanna have a job. Until now I cannot find my passport. I have to be strong to tell everything because they threatened me and my boss threatened me and abused me mentally and physically. I already told them that I want to go home but they forced me to work for them and always say they have a protector behind them who is government people,” pahayag ni Lai.
Dahil dito, nanawagan si Hontiveros sa pamahalaan na hanapin ang mga illegal at fly-by-night POGO sa bansa.

Duterte sa publiko: Manatiling kalmado, alerto vs COVID-19 threat

Posted on: February 14th, 2020 by @peoplesbalita No Comments

TODO panawagan at paalala si Pangulong Rodrigo Duterte sa publiko na mag-doble ingat at maging alerto kaugnay pa rin sa nagpapatuloy na outbreak ng Coronavirus Disease o COVID-19.

 

Sa kanyang recorded video message kahapon (Huwebes), sinabi ni Pangulong Duterte sa taumbayan na manatiling kalmado sa gitna ng pagkalat ng sakit at magtiwala lamang sa gobyerno at sa mga otoridad sa paglaban sa hamon.
“I call on our people to remain calm, vigilant, responsible and I also ask your trust and cooperation, support as we face the challenge,” wika ni Pangulong Duterte. “Tayo ay magkaisa together as one nation, this challenge can be overcome.”

 

Muling tiniyak ni Duterte na tatlo pa lamang ang kumpirmadong kaso ng COVID-19 kung saan wala pang ebidensiya ng lokal na pagkahawa sa komunidad sa bansa.

 

Ayon sa presidente, naiintindihan niya raw na marami sa mga Pilipino ang nakararanas ng pangamba, na aniya’y normal lamang sa ganitong mga sitwasyon.

 

“It is normal to feel anxious, concerned and even afraid. Maging malinis. Hugasan yung kamay frequently, yung paulit ulit. Kung every handshake mo, kung humatsing ka, takpan mo bunganga mo at tingnan mo hindi ka makahawa sa ibang tao. Kung ikaw naman ay may ubo, mag-mask ka na lang,” payo pa nito.

 

Kasabay nito, inihayag ni Pangulong Duterte na handa ang pamahalaan, katuwang ang World Health Organization, medical societies at private sector sa anumang puwedeng mangyari.

 

Tiniyak din ng Punong Ehekutibo na inaalagaan ng gobyerno ang mga overseas Filipino workers galing Wuhan, China na pinauwi at nasa quarantine ngayon sa New Clark City sa Capas, Tarlac.

 

Sa iba pang mga Pinoy na nasa lockdown areas sa China, sinabi ni Pangulong Duterte na hindi rin pababayaan ang mga ito at aasistehan ng pamahalaan kung nais na rin nilang umuwi.

 

“To our kababayans who remain in lockdown areas in China, I assure you that the government is ready to bring you home if you want. Hindi naman kayo papabayaan,” anang Pangulo. (Daris Jose)

VFA OUT

Posted on: February 14th, 2020 by @peoplesbalita No Comments

NAIPAALAM na ng gobyerno ng Pilipinas sa United- States ang termination ng Visiting Forces Agreement (VFA), magkakabisa ito pagkalipas ng 180 araw makaraang matanggap ang notice.

 

Kasunod nito ay matitigil na ang pagbisita ng US troops sa bansa para magsagawa ng exercise kasama ang Philippine troops. Nagsimula ang VFA noong 1998. Dalawang dekada na ang nakalilipas mula nang mapagkasunduan ang VFA at ngayon ay namiminto nang matapos.

 

Nag-ugat ang termination ng VFA makaraang kanselahin ng US ang visa ni Senador Ronald dela Rosa noong nakaraang buwan. Nagalit si Duterte sa ginawa- kay dela Rosa kaya bilang protesta, inaprubahan niya ang termination ng VFA. Minura pa ng Presidente ang US dahil masyado raw bastos.

 

Marami naman ang nabahala sa pag-terminate sa VFA, hindi raw sana naging pabigla-bigla ang gob-yerno sa pagpapatigil sa VFA. Marami namang nagawa sa bansa ang VFA, hindi lamang sa pagbi-bigay ng bagong kaalaman sa Philippine troops kundi pati na rin sa pagtulong sa mga biktima ng kalamidad.

 

May punto ang mga nagsasabi na kailangan ng bansa ang VFA o ang presensiya ng US troops laban- sa mga nagtatangka. Pero dapat din namang tingnan kung nasusunod ba ang nasa kasunduan ng VFA o dapat rebyuhin sapagkat may mga mali rito.

 

Mapuproteksiyunan nga ba ng US ang bansa sakali’t magkaroon ng sigalot sa rehiyon? Natutupad ba ang nasa kasunduan na bibigyan ng mga bagong barko at eroplano?

 

Tila hindi ito natutupad sapagkat pawang segunda mano ang dinadala rito na ginamit pa noong World War 2. Kung ganito ang nangyayari, dapat pa bang panatilihin ang VFA.

Kahit inilibing na: KOBE, GIANNA PUBLIC MEMORIAL SA STAPLES MAY BAYAD

Posted on: February 14th, 2020 by @peoplesbalita No Comments

INIHATID na umano sa kanilang huling hantungan ang mag-amang Kobe at Gianna Bryant dalawang linggo matapos masawi sa isang helicopter crash sa California.

 

Batay sa ulat sa US media, naging pribado lamang ang seremonya ng paglilibing na isinagawa sa Corona Del Mar, California nitong Pebrero 7.

 

“Vanessa and the family wanted a private service to mourn their loss,” ayon sa source. “The ceremony was extremely hard for everyone as it’s still hard for them to grasp they lost two beautiful souls.”

 

Tuloy naman ang idaraos na public memorial sa Pebrero 24 sa Staples Center na siyang home court ng Los Angeles Lakers, na naging koponan ni Kobe sa kanyang 20-year career sa NBA.

 

Sinasabing simboliko ang nasabing petsa sapagkat mistulang tribute ito sa No. 2 basketball jersey na isinuot ni Gianna at sa No. 24 na ginamit naman ni Kobe bilang miyembro ng Lakers.

 

Pero bago ito masilayan, kailangan munang bumili ng ticket dahil ayon sa naunang report ay pamilya, kaibigan, NBA officials, players, season ticket holders at local politicians lamang ang may ekslusibong pass upang makapasok nang hindi na kailangan nito.

 

Ang iba naman daw na nagnanais na masilayan ang public memorial ng yumaong basketball icon ay kailangan munang magkaroon ng ticket bago makapasok sa Staples Center.

 

Dahil 20,000 lang kasi ang upuan na kayang ma-accommodate ng stadium kaya kailangan itong kontrolin para maging maayos ang okasyon dahil halos 100,000 supporters ang nagnanais na makapasok at makita ang “Mamba”.
Hindi pa tiyak kung paano makakakuha ng ticket ang publiko pero tiniyak naman ng management ng Staples Center na hindi nila isasara ang stadium para sa mga taong nasi maging bahagi ng memorial.

 

Abiso rin ng ibang mga law enforcement na nakapalibot sa stadium na ang hindi makapapasok ay maaaring panoorin sa TV ang memorial ni Kobe.

 

Maalalang nasawi sina Kobe, Gianna, at pitong iba pa sa pagbagsak ng sinakyan nilang helicopter sa Calabasas, California nitong Enero 26.

 

Nagpahayag ng saloobin ang asawa ng basketbolistang si Vanessa sa kanyang Instagram nitong Lunes.

 

“My brain refuses to accept that both Kobe and Gigi are gone.” Madamdaming saad nito. “It’s like I’m trying to process Kobe being gone but my body refuses to accept my Gigi will never come back to me. It feels wrong. Why should I be able to wake up another day when my baby girl isn’t being able to have that opportunity?! I’m so mad. She had so much life to live. Then I realize I need to be strong and be here for my 3 daughters.”

 

Inaasahang aabutin ng isang taon bago matapos ang nagpapatuloy na imbestigasyon ng mga awtoridad hinggil sa insidente.

Malakanyang, ginagalang ang “fine remarks” ni US President Donald Trump

Posted on: February 14th, 2020 by @peoplesbalita No Comments

GINAGALANG ng Malakanyang ang naging pahayag ni US President Donald Trump sa naging hakbang ng pamahalaan na ipawalang bisa na ang Visiting Forces Agreement (VFA) sa Amerika.

 

Batay sa naging pahayag kasi ng US President, kung yun aniya ang pasiya ng pamahalaang Pilipinas, maraming salamat na lang at makakatipid pa sila ng malaki.

 

Ayon kay Presidential spokesperson Salvador Panelo, natural lang ang mga gayung pahayag lalo’t sa tingin ng kabila ay maituturing na “unsatisfactory” ang naging hakbang ng pamahalaan patungkol sa VFA.

 

Kaugnay nitoy wala namang nakatakdang pag-uusap ang Pangulong Duterte at si President Trump na may kinalaman sa pagbasura sa Visiting Forces Agreement.

 

Matibay aniya ang pani-nindigan ng Pangulo na panahon na para huwag tayong umasa sa kaninomang bansa kung pag-uusapan ay isyu na may kinalaman sa depensa. (Daris Jose)

300 employees ng Singaporean bank inilikas dahil sa COVID-19 case

Posted on: February 14th, 2020 by @peoplesbalita No Comments

AABOT sa 300 staff ng isang malaking bangko sa Singapore ang inilikas bilang precautionary measure laban sa coronavirus infectious diseases (COVID-19).

 

Ito’y kasunod ng ulat na isa sa mga empleyado ang na-diagnose sa sakit.

 

Sinabi ng isang International correspondent na si Mercy Saavedra Cacan, na isinailalim na sa 14-day home quarantine ang mga empleyadong nakasalamuha ng COVID-19 patient.

 

Katulong daw ng mga ito ang gobyerno sa pagmomonitor ng kanilang kondisyon.

 

Nago-opisina raw ang mga ito sa 43rd floor ng isang gusali.

 

Nananatili naman umano ang Singaporean government sa pangako nitong magsu-supply ng pagkain at pangangailangan ng mga apektadong residente.

 

Batay sa latest update ng pamahalaan, 47 ang kumpirmadong kaso ng COVID-19 sa Singapore.

10 sugatan matapos araruhin ng SUV sa Parañaque City

Posted on: February 14th, 2020 by @peoplesbalita No Comments

SUGATAN ang sampung katao matapos silang araruhin ng isang SUV sa bahagi ng Baclaran Church sa Parañaque City noong Pebrero 12 , Miyerkoles.

 

Nangyari ang aksidente bago mag alas 10:00 ng gabi kung saan marami pang tao sa bahagi ng Baclaran dahil araw ng Miyerkules.

 

Ayon kay Major Jolly Santos ng Parañaque Police Community Precinct 11, bigla na lamang umandar ng mabilis ang kulay itim na Toyota Fortuner at nasagasaan ang mga naglalakad. Inararo rin nito ang apat na motorsiklo, isang e-bike at 3 card ng mga vendor.

 

Ang mga nasugatan na kinabibilangan ng 6 na babae at 4 na lalaki ay pawang dinala sa San Juan De Dios Hospital. Tatlo sa kanila ay malubha ang kondisyon.

 

Nasa presinto naman na ang driver ng SUV na si Allan Respecia na nagsabing bigla na lamang nag-accelerate ang kaniyang sasakyan.

 

Sinabi ni Soriano na malinaw na human error ang sanhi ng aksidente dahil sa halip na preno ay maaring silinyardor ng sasakyan ang naapakan ng driver.

 

Mahaharap si Respecia sa kasong reckless imprudence resulting in multiple physical injury at damage to property (Daris Jose)

61 maritime school pasaway sa STCW, ipapadlak ng MARINA

Posted on: February 14th, 2020 by @peoplesbalita No Comments

NASA 61 mula sa 91 maritime school sa bansa ang nakatakdang ipasara ng Maritime Industry Authority (MARINA) dahil hindi pag-comply sa standards ng International Convention on Standards of Training, Certification and Watch keeping for Seafarers (STCW), na sumasaklaw sa maritime education, training at certification.

 

Ito ang sinabi ni MARINA-OI Administrator Narciso Vingson sa congressional hearing sa House of Representatives kasama ang mga miyembro ng Committee on Transportation.

 

Nadismaya at nagulat naman si Marino Partylist Rep. Carlo “Sandro” Gonzalez sa ibinulgar ng MARINA kung saan 2/3 sa kasalukuyang mga maritime schools sa bansa ang may rekomendasyon para sa ‘closure for non-compliance with the international standards’.

 

Ayon kay Gonzales, nadismaya ito nang marinig na may mga maritime institution na nag-o-operate sa bansa na “colorum” sa gitna ng preparasyon para sa darating na European Maritime Safety Agency (EMSA) audits na gaganapin sa Pebrero 24 hanggang Marso 13, 2020.

 

Aniya, ang kapabayaan ng panig ng MARINA ay maglalagay sa alanganin sa libu-libong trabaho ng mga seafarers.
“I am deeply disturbed that this only came to light now, when it was already known we have problems as early as 2006”, ayon pa kay Gonzales. “The fact that these schools were able to operate after several administrations without being caught points to a problem with the regulatory agencies, something that we need to address to maintain the credibility and competitiveness of Filipino seafarers around the world.”

 

Naniniwala pa si Gonzalez na ang Commission on Higher Education at MARINA ang may responsibilidad sa mga maritime school alinsunod sa Executive Order No. 63, Series of 2018.

 

Sinabi naman ni Marino Party-list Second Representative Macnell Lusotan na ang pagsasara ng two-thirds ng maritime schools sa bansa ay labis na makaaapekto sa abillidad na makapag-produce ng maraming sefarers, makakapekto sa kredibilidad ng lahat ng alumni sa Philippine maritime schools, at magdudulot din ng lamaking impak sa ekonomiya.

 

Kaugnay nito, nagharap na rin sina DOTr Secretary Arthur Tugade, kasama sina Commission on Higher Education (CHED) Chairperson J. Prospero De Vera III, at Vingson upang pag-usapan ang mga hamon ng Philippines’ Maritime Higher Education Institution’s (MHEI) compliance sa STCW.

 

Sa pagpupulong, ang maritime regulators at kinatawan mula sa Philippine Association of Maritime Institutions (PAMI) ay nagkasundo na magtulungan upang makamit ang full compliance sa mga kailangan ng EMSA, alinsunod sa pangako ni Secretary Tugade sa PAMI na magsimula ng mas mahusay na koordinasyon sa iba’t ibang mga stakeholders. (Gene Adsuara)

Ads February 14, 2020

Posted on: February 14th, 2020 by @peoplesbalita No Comments

Teng pinuno na ng Alaska

Posted on: February 14th, 2020 by @peoplesbalita No Comments

SA simula nang unang upo ni Jeffrey Cariaso bilang coach ng Alaska Milk, mababalasa rin ng tatahakin ang Aces.

 

Mga bagong dugo na ang inaasahang ipangkakanaw ng gatas sa papasok na buwang 45th Philippine Basketball Association Philippine (PBA) Cup 2020.

 

Bubuksan ang all-Pinoy Conference sa Marso 8 na si Jeron Teng na ang magiging bagong lider ng koponan.
Ang 25-anyos ay fifth pick overall nitong 2017 buhat sa De La Salle University Green Archers.

 

“The plan is to revolve the team around Jeron,” pagbubunyag ni Board representative Richard Bachmann. “We expect big things from him.”

 

Nabalian si Teng sa unang bahagi ng nakaraang 2019-2020 Governor’s Cup – ang unang conference na hinawakan ni Cariaso, ang kampo mula kay Alexander Compton. Pagkabalik ng sophomore guard, nagpapanalo ang Alaska at nakarating pa ng playoffs pero muli siyang inabot ng injury sa tuhod at nasibak ang Aces sa quarterfinals.

 

“Jeron’s a big part of our future, so we’re gonna rely on him to be that solid three-guy,” reaksyon naman ni Cariaso. “When you’re the three, you’re expected to play both ends so that’s one thing he needs to kinda accept.”

 

Sumariwa o bumata ang lineup ng Alaska sa pagtapik nitong offseason kina rookies Barkley Ebonia, Jaycee Marcelino at Rey Publico. Binitawan si Simon Enciso pa-TNT para makuha si gunner Mike Digregorio.

 

Sasama ang mga ito kina Abu Tratter, Maverick Ahanmisi, Robbie Herndon at Rodney Brondial. Sina Herndon at Brondial ang mga nagbuhat sa Magnolia karelyebo ni Chris Banchero.

 

Malaki rin ang ang gagampanan papel nina veterans JVee Casio, Vic Manuel at Kevin Racal. Lalaro pa si Joachum Gunter ‘Sonny’ Thoss sa season-opening tournament bago magretiro.

 

Nakareserba pa sa prangkisang Uytengsu sina Jesper Ayaay, Gideon Babilonia at Abel Galliguez.