Pasok suspendido sa gov’t offices, eskwela sa NCR, 6 lalawigan dahil kay ‘Florita’
- Published on August 24, 2022
- by @peoplesbalita
SUSPENDIDO na ang pasok sa lahat ng pampublikong paaralan at tanggapan ng gobyerno sa National Capital Region (NCR) at anim pang probinsya mula ngayon hanggang ika-24 ng Agosto dahil sa epekto ng Severe Tropical Storm “Florita” at Habagat.
Nag-ugat ito sa mungkahi ng National National Disaster Risk Reduction and Management Council (NDRRMC) kay Pangulong Ferdinand Marcos Jr. na nilagdaan, Martes.
“Nag-issue na po kami ng announcement na ang trabaho at pasok sa lahat ng lebel in the public sector ay suspendido na po today and tomorrow,” ani Press Secretary Trixie Cruz-Angeles, Martes, sa isang press briefing.
“Sa pribadong sektor, base ‘yun sa discretion ng employers. Pero rekomendado na isuspinde na rin.”
Sakop ng naturang suspensyon ang Metro Manila, Cavite, Laguna, Rizal, Bulacan, Zambales at Bataan.
Kasalukuyang Signal No. 3 sa hilagang bahagi ng Ilocos Norte, Apayao, katimugang bahagi ng Babuyan Islands, mainland Cagayan at hilagangsilangang bahagi ng Isabela dahil sa bagyo.
Una nang nag-anunsyo ng pagkakaantala ng mga klase sa sari-saring paaralan sa Pilipinas kahit na kasisimula pa lang ng face-to-face classes nitong Lunes.
-
Face shield mandatory sa pagboto – Comelec
HINDI muna dapat itapon ang mga ‘face shields’ dahil sa kakailanganin pa ring isuot ito ng mga botante na dadagsa sa tinatayang 105,000 voting precincts sa National at Local Elections sa Mayo 9, ayon sa Commission on Elections (Comelec). “We are looking at 105,000 precincts. That is up from only around 80,000 nung […]
-
LAOGAN, BAGONG DEPUTY COMMISSIONER NG BI
ITINALAGA sa Bureau of Immigration (BI) si Daniel Y. Laogan bilang bagong Deputy Commissioner. Si Laogan na isang Abogado by profession ay nagtapos ng Commerce mula sa University of Sto Tomas (UST), kumuha rin ito ng Master of Science in Commerce sa nasabi ring unibersidad at nagtapos ng Abogasya sa Ateneo de Manila […]
-
CHR nanawagan sa mga otoridad na agad na tutukan ang mga election-related violence
HINIKAYAT ng Commission on Human Rights (CHR) ang mga otoridad na tutukan ang mga naganap na election-related violence noong kasagsagan ng halalan nitong Mayo 9. Sinabi ni CHR spokesperson Jacqueline de Guia na karamihang sa 16 election related incidents ay naitala sa Bangsamoro Autonomous Region in Muslim Mindanao (BARMM). Dahil aniya […]