PBA lalayasan ng players; lilipat sa ibang bansa

Dapat na umanong kabahan ang Philippine Basketball Association (PBA) dahil sa pagpili ng ilang manlalaro na dalhin ang kanilang talento sa abroad kaysa maglaro sa liga.

Ito ang malaking hamon  sa  pamunuan ng PBA matapos pumirma bilang import sa Japan si Thirdy Ravena kaysa  lumahok sa PBA draft.

Sa ngayon, maraming bansa sa Asya ang nagbibigay ng offer sa mga mahuhusay na manlalarong Pinoy upang kuhaning import o manlalaro sa kanilang basketball league.

Ayon kay PBA chairman Ricky Vargas, hindi umano banta sa liga ang paglalaro ng mga Pinoy sa ibang bansa.

“Hindi naman. It’s just a delay [in the draft],” ani Vargas. “Our rules [states] two years from eligibility. They have two years to join the PBA.”

Ayon kay Vargas, nasa desisyon na mga manlalaro kung gusto nilang subukan ang kanilang husay sa foreign countries kahit pa maganda ang offers sa PBA.

Matatandaang pumirma si Thirdy Ravena ng kontrata sa San-En Neophoenix sa Japan Professional Basketball League (B.League) kung saan inaasahan na rin ang paglalaro ni Calvin Abueva sa ibang bansa dahil mahigit isang taon na ay hindi pa siya pinapayagang maglaro sa liga matapos patawan ng parusang indefinite suspension