PBA, nagpadala na ng liham sa IATF para payagan ang team practices
- Published on June 10, 2020
- by @peoplesbalita
Nagsumite na umano ng pormal na liham ang PBA sa Inter-Agency Task Force kaugnay sa posibilidad ng pagsasagawang muli ng mga team practices sa buwan ng Hulyo.
Kaugnay pa rin ito sa ginagawang mga preparasyon ng liga para sa posibleng pag-usad muli ng 2020 season na pansamantalang sinuspinde dahil sa COVID-19 pandemic.
Sa isang virtual press briefing, sinabi ni PBA Commissioner Willie Marcial, noong Huwebes pa nila naipadala sa IATF, partikular kay Health Sec. Francisco Duque III, ang sulat kaugnay sa apela.
Sa ngayon ay hinintay na lamang daw nila ang magiging tugon ng task force para makapagpatuloy na sila sa binabalangkas nilang mga plano.
Ngunit ayon kay Marcial, kung tanggihan daw ng IATF ang kanilang hiling, ito na rin umano marahil ang hudyat para pagdesisyunan na ang kapalaran ng ika-45 season.
“Doon namin dedesisyunan, katulad ng sinabi namin [na] by August, kung ano na ang mangyayari kasi kung practices baka hindi pa payagan,” wika ni Marcial.
“So talagang nakahintay kami kung ano ang gagawin ng gobyerno. Kung hindi papayagan ‘yun, kung hindi papayagan ang basketball, doon na tayo magdedesisyon sa August, kung mayroon pa tayong season o wala na.”
Una rito, tiniyak ni Marcial na mahigpit ang ipatutupad nilang safety protocols, na aprubado rin ng PBA Board of Governors.
Kumpiyansa si Marcial na pasok sa pamantayan ng IATF ang kanilang protocols, kung saan kabilang dito ang mahigpit na requirement kung saan kinakailangang sumailalim ang lahat ng mga players sa COVID-19.
Sa oras na mabigyan na ng go signal, sunod na target naman daw ng PBA ang pag-practice ng kada batch na binubuo ng anim na katao kung saan apat dito ay mga manlalaro, pero limitado lang sa conditioning.
-
Designated area itakda: Hithit ng vape sa pampublikong lugar, bawal na
PINAGBABAWAL na rin ngayon ang paggawa, pagbebenta at pag-advertise ng mga hindi rehistradong electronic cigarettes o vape at iba pang mga naglalabasang bagong uri ng tobacco products. Ipinalabas ng Palasyo ang Executive Order 106 na naglalayong amiyendahan ang nauna ng Executive Order 26 na nagbabawal ng paninigarilyo sa mga pampublikong lugar. Nakasaad sa […]
-
Ibinuko ni Sylvia na nakahanap sila ng katapat… MAINE, tuwang-tuwa na nakikipag-asaran sa Daddy ART ni ARJO
SA Instagram post ni Sylvia Sanchez noong Huwebes, August 11, 2022, ibinahagi niya ang series of photos ng asawang si Art Atayde at Maine Mendoza na tuwang-tuwa na nag-aasaran sa isa’t-isa. “Sila po ang laging nagbubullyhan pagnagkikita kita. Nakahanap sila ng katapat sa isa’t isa hahaha. “Ang saya saya sa tuwing nagbubullyhan sila. […]
-
PBBM, ginarantiya ang trabaho para sa lahat
TINIYAK ni Pangulong Ferdinand Marcos Jr., sa publiko na lahat ay magkakaroon ng trabaho sa ilalim ng ‘Bagong Pilipinas” na kanyang pinro-promote. Ang pahayag na ito ng Pangulo ay matapos niyang i-welcome ang ulat na ang labor force participation ng bansa ay umakyat sa 66.6% noong Disyembre 2023, habang ang employment rate ay […]