PBBM, nakipagkita sa mga energy officials sa gitna ng tumataas na presyo ng langis
- Published on July 9, 2022
- by @peoplesbalita
NAKIPAGKITA at nagdaos ng pagpupulong si Pangulong Ferdinand “Bongbong” Marcos Jr. sa mga energy officials sa gitna ng sumisirit na presyo ng langis dahil sa nagpapatuloy na sigalot sa pagitan ng Russia at Ukraine.
Ito rin ang dahilan kung bakit tumaas ang inflation sa bansa.
“Sa pandaigdigang krisis ng pagtaas ng presyo ng langis, isa sa magiging mahalagang kasama natin sa pagtugon ay ang Kagawaran ng Enerhiya,” ayon kay Pangulong Marcos, hanggang sa ngayon ay wala pa ring napipisil na Kalihim ng Department of Energy (DoE).
“Masusing tinalakay ang ating mga susunod na hakbang at ang magiging direksyon ng departamento,” dagdag na pahayag nito.
Hanggang sa kasalukuyan ay hindi pa rin nagbibigay ng iba pang detalye ang Malakanyang ukol sa nangyaring miting.
Samantala, bagama’t hindi pa nagbibigay ng pangalan si Pangulong Marcos ukol sa magiging Kalihim ng DoE ay sinabi naman ni Press Secretary Atty. Trixie Cruz-Angeles na nasa “final evaluation stage” na ang Pangulo sa pagkumpleto ng kanyang gabinete.
Maliban sa DoE ang iba pang bakanteng Cabinet posts ay Department of Health, Department of Science and Technology, Department of Environment and Natural Resources, at Department of Human Settlements and Urban Development. (Daris Jose)
-
Brodkaster na si Mon Tulfo arestado sa Maynila dahil sa cyber libel
DINAKIP ng mga otoridad ng Manila Police District (MPD) ang kolumnista at brodkaster na si Ramon Tulfo — kapatid ni presumptive senator Raffy Tulfo — dahil sa reklamong cyber libel. Bandang 10:05 a.m., Miyerkules, nang hainan ng warrant of arrest si Tulfo sa loob ng quadrangle ng Manila City Hall ng mga kawani […]
-
MAY KAPANGYARIHAN BA ang mga LGU na MANGUMPISKA ng DRIVER’s LICENSE?
Wala. Ayon sa DILG ay tanging LTO lang at ang mga deputized enforcers ng Ahensya ang may kapangyarihan na mag confiscate ng driver’s license. Pero ayon sa Abogado ng Manila ay tuloy pa rin ang pagkukumpiska ng kanilang mga enforcers dahil sa ilalim ng Local Government Code ay may kapangyarihan ang […]
-
NLEX sablay sa bentahan vs barat na buyer
BUKING na sa sektor ng negosyo na pinagbibili na ng may-ari ng North Luzon Expressway o NLEX Road Warriors ang prangkisa nito sa Philippine Basketball Association (PBA). Nabatid sa isang impormante na may nakikipagnegosasyong isang malaking kompanya sa pangasiwaan ng Road Warriors para sa bentahan ng isa sa tatlong PBA team ni Manuel V. […]