PBBM, pinuri si Obiena sa pagkapanalo sa Germany meet
- Published on August 31, 2022
- by @peoplesbalita
PINURI ni Pangulong Ferdinand Marcos Jr.si pole vaulter Ernest John “EJ” Obiena matapos magwagi sa Internationales Stabhochsprung-Meeting sa Jockrim, Germany.
“Isang maligayang pagbati para sa ating atleta na si EJ Obiena sa kanyang pagkapanalo ng gintong medalya,” ayon kay Pangulong Marcos sa isang Facebook post.
“Ang pinakitang gilas ni EJ sa larangan ng pole vault ay isang katangiang maaaring tularan ng mga kabataang nangangarap na maging isang atleta,” dagdag na pahayag nito
Kaagad namang in- acknowledged ni Obiena ang post ng Pangulo, sa Facebook din
“Maraming salamat po, President Bongbong Marcos, for the congratulatory message and recognition. I hope I did the country proud,” ani Obiena.
Sa ulat, naging makabuluhan ang pagbabalik-aksyon ni Pinoy pole vaulter EJ Obiena matapos masungkit ang medalyang ginto sa 26th Internationales Stabhochsprung-Meeting sa Jockgrim, Germany nitong Miyerkules .
Nakubra ni Obiena ang medalya nang matalon ang 5.81 metro kaya natalo nito si world No. 2 Chris Nilsen ng United States, nakakuha lamang ng ikalawang puwesto nang malampasan ang 5.71 metro habang si Kurtis Marschall ng Australia ay nakuha ang ikatlong puwesto.
Nabigong maitala ni Obiena ang 5.95 metro matapos ang tatlong beses na pagtatangka.
“Great start for the second part of the season,” banggit ni Obiena sa kanyang Facebook post.
Sasabak din si Obiena sa Athletissima Meet sa Lausanne, Switzerland simula Agosto 25-26, bago ang pagsalang sa True Athletics Classics sa Leverkusen sa Germany sa Agosto 28. (Daris Jose)
-
Pinasalamatan ni Marian ang Fil-Am popstar: ZIA, nag-enjoy nang husto sa concert ni OLIVIA RODRIGO
HINDI talaga maitatago ang sobrang kaligayahan ng unica hija nina Dingdong Dantes at Marian Rivera na si Zia Dantes, na isa sa libu-libong kabataan na nanood ng “Guts World Tour” concert ni Olivia Rodrigo noong Sabado sa Philippine Arena sa Bulacan.Sa Instagram post ni Kapuso Primetime Queen, ibinahagi niya ang video ni Zia na tuwang-tuwang […]
-
Mataas na employment rate, patunay ng economic momentum
NANINIWALA ang isang kongresista na isang patunay ng economic momentum o pagsipa muli ng ekonomiya ang naitalang pagtaas sa employment rate ng bansa noong buwan ng Nobyembre noong nakaraang taon. Sinabi ni Ways and Means Committee Chair Joey Salceda, malaking tulong dito ang pagbabalik ng face-to-face activities at consumer spending. Pinaka-positibo […]
-
2020 democracy index result, isang patunay na buhay at gumagana ang demokrasya sa Pilipinas
HINDI maituturing na major slip ang ulat ng think tank Economist Intelligence Democracy Index 2020, na umano’y nananatili Raw na bagsak ang sistema ng demokrasya sa Pilipinas. Ayon kay Presidential Spokesperson Harry Roque, kung titingnan ang data result ng democracy index, lumalabas na naungusan talaga ng Taiwan, Malaysia at Timor Leste ang pilipinas. […]