PBBM sa DA: Streamline processes to lower prices
- Published on April 22, 2024
- by @peoplesbalita
IPINAG-UTOS ni Pangulong Ferdinand Marcos Jr., sa Department of Agriculture (DA) na i-promote ang madaling pagnenegosyo sa bansa base sa kanilang pamamaraan partikular na ang pag-alias sa non-tariff barriers sa importasyon ng agricultural products, para maibaba ang presyo at tiyakin ang suplay.Inihayag ito ni Pangulo sa Administrative Order (AO) No. 20 na nilagdaan ni Executive Secretary Lucas Bersamin noong Abril 18, na kagyat na naging epektibo.
Sa kanyang AO, binigyang-diin ng Pangulo na ang “administrative constraints at non-tariff barriers” ang dahilan ng patuloy na pagtaas ng domestic prices ng agricultural commodities sa kabila ng umiiral na hakbang.
Idinagdag pa nito na mahalaga para sa DA na magsagawa ng hakbang na naglalayong i- streamline ang “administrative procedures at policies” sa importasyon ng agricultural products, at maging ang pag-alis ng non-tariff barriers para tugunan ang tumataas na domestic prices ng agricultural commodities.
Ang Non-tariff barriers ay policy measures, bukod pa sa customs tariff, na higpitan ang kalakalan kabilang na ang subalit hindi limitado sa quota, pag-angkat ng licensing systems, regulasyon at red tape.
“It is imperative to further streamline administrative procedures to foster transparency and predictability of policies on the importation of agricultural products in order to help ensure food security, maintain sufficient supply of agricultural goods in the domestic market, and improve local production,” ayon kay Pangulong Marcos.
Ipinag-utos din ng Pangulo sa DA na makipagtulungan sa Department of Trade and Industry (DTI) o sa Department of Finance (DOF) na i- streamline ang ‘procedures at requirements’ sa paglilisensiya sa mga importers, bawasan ang processing time ng aplikasyon para sa importasyon at pag-exempt sa licensed trades mula sa pagsusumite ng registration requirements.
Ang DA,kasunod ng konsultasyon sa National Economic and Development Authority (NEDA) Committee on Tariff and Related Matters, ay inatasan na bilisan ang importasyon ng ilang agricultural products sa labas ng authorized MAV at bawasan o alsin ang administrative fees.
Ipinag-utos din ng Chief Executive sa DA na i-streamline ang pamamaraan at requirements para sa pagpapalabas ng Sanitary and Phytosanitary Import Clearance (SPSIC), at gumawa ng konkretong hakbang para mapahusay ang “logistics, transport, distribution, at storage ng imported agricultural products.”
Samantala, binigyan naman ng mandato ang Bureau of Customs (BOC) na i-prayoridad ang “unloading at releasing imported agricultural products” subject ito sa Customs Modernization and Tariff Act (CMTA), at iba pantg applicable laws, rules, and regulations ng burukrasya.
Ipinag-utos din ng Punong Ehekutibo sa DA, DTI, BOC, Philippine Competition Commission, Department of Interior and Local Government (DILG), Department of Justice (DOJ), National Bureau of Investigation (NBI), at Philippine National Police (PNP) na bumuo ng “Surveillance Team” na pangungunahan ng Agriculture Department upang tiyakin ang epektibo at episyenteng implementasyon ng AO.
Ang Surveillance Team ay may tungkulin na i-monitor ang importasyon at distribusyon ng agricultural products at pigilan ang illegal price manipulation acts at iba pang hindi patas na anti-competitive commercial practices, bukod sa iba pa.
Ang DA, DTI, DOF, BOC, at Sugar Regulatory Administration (SRA) ay inatasan na sama-samang magsumite ng quarterly report sa kalagayan ng implementasyon ng AO sa Pangulo sa pamamagitan ng Office of the Executive Secretary at Inter-Agency Committee on Inflation and Market Outlook (IAC-IMO).
Ang IAC-IMO, itinatag sa pamamagitan ng Executive Order No. 28 (series of 2023), ay isang advisory body ng Economic Development Group sa hakbang na magpapanatili sa inflation, partikular na sa pagkain at enerhiya sa loob ng inflation targets ng gobyerno. (Daris Jose)
Other News
-
Fans nila, maghihintay kung mapagbibigyan ang wish: SHARON at LORNA, gustong makapag-guest din sa ‘Batang Quiapo’ ni COCO
MATAGAL na ring magkasama sa work, ang real-life sweethearts na sina Ruru Madrid at Bianca Umali. Pero ngayon lamang sila magsisimulang magtrabaho as partners sa upcoming series na “The Write One,” kaya kung excited ang mga RuCa fans, excited din silang dalawa. “Sanay kasi kaming dalawa, ‘yung pahinga ng isa’t isa. […]
-
‘WHO nagpalit ng protocol; magdaragdag ng gamot sa Solidarity Trial’ – DOH
Kinumpirma ng Department of Health (DOH) na may madagdag na isa pang off-labeled drug sa isinasagawang Solidarity Trial ng World Health Organization (WHO) sa mga gamot na posibleng epektibo laban sa COVID-19. “Binago rin yung protocol, may bagong gamot na madadagdag, but we will be informing all of you kapag na-finalize na yung protocol. […]
-
Patuloy na lalaban kahit mas lumala pa ang sakit: KRIS, gusto pang mabuhay para kina BIMBY at JOSH
KATULAD ng ipinangako ni Boy Abunda noong February 13, for the first time, magla-live si Queen of All Media Kris Aquino mula sa Amerika, sa ‘Fast Talk with Boy Abunda’, sa mismong araw ng kanyang birthday, February 14. Ini-reveal nga ni Kris ang makadurog-pusong detalye tungkol sa kanyang medical conditions na gusto niyang ipaalam […]