PBBM, sesertipikahan bilang ‘urgent’ ang rice tariffication law
- Published on May 8, 2024
- by @peoplesbalita
SINABI ni Pangulong Ferdinand R. Marcos Jr., araw ng Lunes na sesertipikahan niya bilang ‘urgent’ ang panukalang amyendahan ang Republic Act No. 11203 o ang rice tariffication law (RTL) para mas maibaba ang presyo ng bigas sa bansa.
“Yes, I think it justifies the urgent certification,” ang pahayag ng Pangulo sa isang media interview kasunod ng kanyang pagdalo sa 2024 GOOCs’ Day at the Philippine International Convention Center sa Pasay City.
“Ang problema kasi kaya tumataas ang presyo ng bigas dahil ang mga trader ay nagko-compete. Pataasan sila ng presyuhan sa pagbili ng [bigas] at wala tayong control doon,” ayon sa Pangulo.
Aniya pa, maaaring impluwensiyahan o kontrolin ng gobyerno ang presyo ng bigas kung masisimulan ang pag-amyenda sa rice tariffication law partikular na sa pagbili ng palay at pagbebenta ng bigas sa publiko.
Samantala, itinutulak ni House Speaker Martin Romualdez ang pag-amyenda RTL para payagan ang National Food Authority (NFA) na magbenta ng bigas sa merkado.
Ang presyo aniya ay maaaring bumaba ng P10 hanggang P15 o P30 kada kilo kapag na amyendahan na ang RTL, sabay sabing prayoridad ng Pangulo na gawing matatag ang presyo ng bigas.
Isinaisip na ibaba ang presto ng bigas, pinahihintulutan ng RTL ang unlimited entry ng imported rice sa bansa. Pinagbabawalan nito ang NFA na bumili at magbenta ng bigas at ilimita ang mandato ng ahensiya na pangasiwaan ang buffer rice stocks. (Daris Jose)
-
PCSO kasado na sa pamamahagi ng ayuda
TINIYAK ng Philippine Charity Sweepstakes Office (PCSO) na handa na sila sa pamamahagi ng relief goods para sa mga taong maaapektuhan ng bagyong Betty. Kasunod ito sa direktiba ni Pang. Ferdinand “Bongbong” Marcos Jr. sa lahat ng kinauukulang ahensya na kailangan maghanda para sa malawakang operasyon ng pagtulong sa mga lugar na maaapektuhan […]
-
Agarang pagbabakuna sa lahat ng pulis sa QC iniutos ng mayor
Ipinag-utos ni Quezon City Mayor Joy Belmonte ang agarang pagbabakuna sa 536 police personnel ng Quezon City Police District (QCPD) matapos magpositibo sa COVID-19 virus ang nasa 82 personnel ng Station 3 at kasalukuyang admitted sa HOPE facilities ng siyudad. Napag-alaman na 54 sa 82 na mga pulis na nagpositibo sa COVID-19 ay […]
-
Walang trabaho sa Pilipinas bumaba sa 1.18-M pero ‘job quality’ hindi gumanda
BAHAGYANG bumaba ang bilang ng mga Pinoy na walang trabaho sa pahgtatapos ng Nobyembre 2023, ayon sa gobyerno — pero nananatili ang parehong underemployment. Sa ulat ng Philippine Statistics Authority (PSA) ngayong Martes, naitala ang unemployment rate noong naturang buwan sa 3.6%. “[This is] lower than the unemployment rates in November […]