• April 20, 2024
  • Ang Diyaryong Pinagkakatiwalaan

PDu30, pinayuhan ng doktor na iwasan na ang pag-inom ng alak

PINAYUHAN si Pangulong Rodrigo Roa Duterte ng kanyang doktor na iwasan na ang pag-iinom ng alak.

 

Ito ayon sa Pangulo ay dahil malapit na di umano sa Stage 1 cancer ang kasalukuyan niyang Barrett’s esophagus.

 

Magugunitang, una nang sinabi noon ng Chief Executive, 75 taong gulang sa kaniyang mga nakaraang talumpati na mayroon siyang myasthenia gravis, Buerger’s disease, acid reflux, Barrett’s esophagus at spinal issues.

 

“Matagal na kami sa gobyerno, magpa-retire na lang, bakit pa namin pagsayangan? Kakaunting panahon na lang ang naiwan so walang — walang — walang ganang — wala nang ganang kumain,” ayon sa Pangulo.

 

“May pera ka naman, hindi ka na makakain kay sabi ng doktor huwag kang kumain ng taba kasi mamatay ka. Ikaw Duterte, huwag ka nang uminom kasi ‘yang Barrett mo nearing Stage 1 ka sa cancer. So hindi na rin,” aniya pa rin.

 

Bukod aniya sa kanya ay may miyembro rin siya ng gabinete ang may sakit.

 

“Si Bebot ‘yung paa ewan ko kung puputulin ‘yan o hindi. Puro na may sakit so what do we get if we…? T*** i***** ‘yan. Wala na.

Ang amin, ang iwan na lang ang trabaho. Kasi pagharap namin sa Diyos and tanungin ka na, “O ikaw Rodrigo, anong ginawa mo?” Sabi ko, “Ginawa ko man lahat. Ito man si Dominguez ang walang pera.” Totoo. Eh saan ‘yang pera? Eh naubos na niya, inutang na niya lahat eh, wala nang magpautang. Si Lorenzana, ah wala ‘yan. Kung bala pati armas may maibigay ‘yan pero medisina kailangan pera, cold cash talaga ‘yan,” lahad nito.

 

Kamakailan lamang ay sinabi ni  Presidential Spokesperson Harry Roque na mabuti  ang kalagayan ng Pangulo ngayon kahit marami sa miyembro ng kanyang gabinete ang naging positibo sa Covid- 19.

 

Itinanggi rin ni Sec. Roque ang kumalat kamakailan lang na mga balitang lumipad ang Pangulo patungong Singapore para sa isang emergency treatment.

 

Kaugnay nito ay may ilang petisyon na ang naihain  sa Korte Suprema para maisapubliko ang medical records ng Pangulo para malaman kung nasa tamang kondisyon ba siya para pamunuan ang bansa, pero hindi ito kinakatigan ng mataas na hukuman dahil umano sa kawalan ng matibay na basehan. (Daris Jose)

Other News
  • Obiena asam makuha ang 6.0 meters

    ANG paglundag sa six meters ang inaasam pa ring makuha ni World No. 3 pole vaulter Ernest John Obiena.     Ito kasi ang laging tina­talon ni World No. 1 at Olympic Games gold me­da­list Armand Duplantis ng Sweden.     Sa ilang ulit nilang pag­haharap ay isang beses lamang tinalo ni Obiena si Duplantis […]

  • Rep. Defensor nagpositibo sa COVID-19

    Nagpositibo sa COVID-19 si Anakalusugan party-list Rep. Mike Defensor.     Ayon kay Defensor, nalaman niyang siya ay positibo sa COVID-19 dalawang linggo na ang nakalilipas.     Bukod sa kanya, aabot sa pitong kasamahan niya sa bahay kabilang ang kanyang son-in-law ang nagpositibo rin sa COVID-19.     Sinabi ni Defensor na siya ay […]

  • Buwanang fuel subsidy sa mga mangingisda

    ISINUSULONG  sa Kamara ang pagbibigay ng fuel subsidy sa mga municipal fisherfolk sa pamamagitan ng fuel voucher na hindi bababa sa P1,000 kada buwan.     Sa ilalim ng House Bill 8007 o “Pantawid Pambangka Act of 2023”, ang Department of Agriculture ay may mandating mangasiwa ng buwanang subsidy program.     Sa kabila na […]