• December 12, 2024
  • Search in People's Balita

  • Ang Diyaryong Pinagkakatiwalaan

 

Pedicab driver tiklo sa P204K droga sa Valenzuela drug bust

MAHIGIT P.2 milyon halaga ng shabu ang nasamsam sa isang pedicab driver na sangkot umano sa pagtutulak ng ilegal na droga nang matimbog ng pulisya sa ikinasang buy bust operation sa Valenzuela City, Martes ng umaga.
          Kinilala ni P/Capt. Joan Dorado, hepe ng Station Drug Enforcement Unit (SDEU) ng Valenzuela police ang naarestong suspek na si alyas ‘Dagul’, 42, at residente ng Brgy. Balangkas.
Sa kanyang report kay Valenzuela police chief P/Col. Nixon Cayaban, sinabi ni Capt. Dorado na nakatanggap ng impormasyon ang kanyang mga tauhan hinggil sa umano’y pagbebenta ng illegal na droga ng suspek.
Bumuo ng team si Capt. Dorado sa pangunguna ni P/Lt. Johnny Llave saka ikinasa ang buy bust operation na nagresulta sa pagkakaaresto sa suspek matapos umanong bintahan ng P8,500 halaga ng shabu ang isang pulis na nagpanggap na buyer dakong alas-7:00 ng umaga sa Kabesang Imo at Bignay Sts., Brgy. Balangkas.
Ayon kay Lt. Llave, nakumpiska nila sa suspek ang humgi’t kumulang 30 grams ng hinihinalang shabu na may standard drug price value na P204,000, buy bust money na isang P500 bill at 8-pirasong P1,000 boodle money, P200 recovered money, cellphone at coin purse.
Sinabi ni PMSg Carlos Erasquin Jr na sasampahan nila ang suspek ng kasong pagpabag sa Sections 5 at 11 under Article II of RA 9165 (Comprehensive Dangerous Drug Act of 2002) sa Valenzuela City Prosecutor’s Office.
Pinuri naman ni Gen. Gapas ang Valenzuela police sa kanilang pagsisikap para tugisin ang mga taong sangkot sa pagpapakalat ng ilegal na droga na nagresulta sa pagkakaaresto sa suspek.(Richard Mesa)
Other News

  • GILAS Pilipinas, handang sumabak sa PBA

    Malugod na tinanggap ng Samahang Basketball ng Pilipinas (SBP) ang alok ng PBA na payagang makapaglaro ang Gilas Pilipinas.     Sinabi ni SBP President Al Panlilio na mula pa noon ay mahigpit na ang partnership ng GILAS at PBA.     Isa rin aniyang pagkakataon ito para makapa-ensayo na ang national team.     […]

    read more

  • Funko Pops! Reveals A Much Closer Look At Robert Pattinson’s Batman’s Costume

    FUNKO Pops! reveals a closer look at Batman’s costume in The Batman and the figures got comics-accurate yellow highlights.      The Batman stars Robert Pattinson as the titular character, with Zoe Kravitz as Selina Kyle/Catwoman, Colin Farrell as the Penguin, Paul Dano as the Riddler, Andy Serkis as Alfred, Jeffrey Wright as James Gordon, and John Turturro […]

    read more

  • Matapos na dumaan sa maraming pagsubok: KRISTOFFER, kinasal na sa non-showbiz girlfriend na si AC

    MARRIED na ang Kapuso actor na si Kristoffer Martin sa kanyang non-showbiz girlfriend na si AC Banzon.     Naganap noong gabi ng February 3 sa Capas, Tarlac ang civil wedding ng dalawa. Kinasal sila ng mayor ng Capas na si Hon. Reynaldo Catacutan.     Witness sa kanilang pag-iisang dibdib ay ang kanilang 5-year […]

    read more
People's Balita.
All rights reserved. © Copyright 2024.