Philpost package scam, bagong modus – PNP
- Published on January 17, 2023
- by @peoplesbalita
BINALAAN ng PNP-Anti-Cybercrime Group (ACG) ang publiko laban sa Philpost package scam matapos na maraming mabiktima hinggil sa umano’y mga unclaimed package sa nasabing tanggapan.
Ayon kay P/Brig. Gen. Joel Doria, Director ng PNP-ACG, ang modus operandi ng mga tiwaling manggagantso ay makakatanggap ka ng tawag mula sa isang automated machine na diumano’y mula sa Philpost.
Isinasaad umano dito na may parcel daw na nakumpiska na naglalaman ng mga illegal na dokumento tulad ng bankcards at passport at ang binibiktimang indibidwal ay ‘under investigation’.
Dito’y ipapakausap ka sa mga nagpapanggap na PNP at AMLAC (Anti-Money Laundering Council) officers na umano’y taga Cebu gamit ang Skype Application.
“Biktima ka raw ng identity theft at kailangan mong linisin ang iyong pangalan sa pagkakadawit sa money laundering (Personal na pupunta sa Cebu, freeze muna ang account o magpa-file ng complaint through skype,” anang opisyal.
Sasabihin ng sindikato na kailangang magbayad ng bond habang inaayos ang kaso ng mga binibiktima gamit ang e-wallet.
Sinabi ni Doria na ilan lamang ito sa mga modus ng mga scammers kaya dapat na maging mapanuri ang publiko at i-report sa lehitimong law enforcement agencies upang maimbestigahan at maaresto ang mga scammers.
Kaugnay nito, umapela ang opisyal sa publiko na kung may mga reklamo, katanungan at suhestiyon ay maaring direktang makipag-ugnayan sa PNP-ACG sa pamamagitan ng Facebook page gamit ang messenger o tumawag sa kanilang mga hotlines –Hotline number: (02) 723-0401 (loc 7491); Viber Numbers: 0915-589-8506/0966-627-1257.
-
‘Pasyang ibenta ang Blackwater franchise, irekonsidera sana’ – PBA chief
Umaasa si PBA Commissioner Willie Marcial na irerekonsidera ni Blackwater owner Dioceldo Sy ang pasya nito na ibenta ang franchise ng Elite. Ayon kay Marcial, sakaling buo na ang pasya ni Sy na ibenta ang prangkisa, dadaan daw ang interesadong buyer sa mahaba at masalimuot na proseso bago maangkin ang koponan. “Hindi ko […]
-
Produksyon sa fishery sector sa unang 3 buwan, bumaba
NAITALA ang pagbaba ng produksyon sa sektor ng pangisdaan sa unang tatlong quarter ng kasalukuyang taon. Nakapag-ambag ang sektor ng pangisdaan ng hanggang P58.72 billion na halaga ng produksyon o katumbas ng 14.2% ng kabuuang agricultural output. Ito ay bumaba ng 6.1% kumpara sa naging produksyon noong nakalipas na taon. […]
-
Bangka tumaob: 26 patay, 40 nasagip
NASA 26 katao ang nasawi makaraang tumaob ang isang pampasaherong bangka sa Laguna de Bay malapit sa Talim Island sa Binangonan, Rizal nitong Huwebes ng hapon. Sa inisyal na impormasyon ng Philippine Coast Guard Sub-Station Binangonan, dakong ala-1 ng hapon nang tumaob ang MBCA Princess Aya, may 30 yarda ang layo sa Talim […]