Ping hinihingan ng P800 milyong ng partido kaya ‘nilaglag’
- Published on March 28, 2022
- by @peoplesbalita
POSIBLENG dahil sa walang maibigay na P800 milyon na additional funding kaya umano iniwan ng partido ni dating House Speaker Pantaleon Alvarez ang kandidatura ni Sen. Panfilo Lacson.
Ayon kay Lacson, duda siya sa rason na ang results sa pre-election survey ang nagtulak kay Alvarez na lumipat sa kampo ni presidential aspirant at Vice President Leni Robredo na pumapangalawa sa mga survey.
Paliwanag pa ng senador, ang chief of staff ni Alvarez ang nanghihingi sa kanya ng karagdagang P800 milyon pondo sa pangangampanya para sa kanilang local candidates.
Pero nilinaw umano ni Lacson sa chief of staff ni Alvarez na hindi niya kayang ibigay ang kahilingan nitong karagdagang P800 milyong pondo sa pangangampanya.
“Time to call a spade a spade. It was actually more about the issue of campaign expenses for their local candidates. His chief of staff was asking for 800 million pesos in additional funding which I honestly told him I cannot produce,” giit pa ng Senador.
Sa kabila nito, nilinaw ni Lacson na wala siyang kinikimkim na sama ng loob kay Alvarez subalit mas makabubuti umanong manahimik na lang ito.
Nauna nang nagbitiw si Lacson sa Partido Reporma nitong Marso 24, bago ang anunsyo ng kampo ni Alvarez na susuportahan nito ang presidential bid ni Robredo.
-
Panoorin din ang kanyang festival hopping: Sen. IMEE, ibabahagi ang kanilang ukay-ukay hacks kasama si BORGY
SASALUBUNGIN ni Senator Imee Marcos ang 2023 sa dalawang bagong vlogs sa Enero 6 at 7 na libreng mapapanood sa kanyang opisyal na YouTube channel. Ngayong Biyernes, muling uupo si Sen. Imee sa isa sa pinaka-paborito niyang vlogging partners, ang kanyang anak na si Borgy Manotoc, kung saan magbibigay sila ng helpful tips at […]
-
LTO naglabas ng SCO laban sa mga operator ng 2 jeep na sangkot sa viral na insidente ng road rage sa Caloocan
NAGLABAS ang Land Transportation Office (LTO) noong Biyernes, Setyembre 27, ng Show Cause Order (SCO) laban sa mga rehistradong may-ari ng dalawang pampasaherong jeep na ang mga drayber ay sangkot sa banggaan at gitgitan na tila dulot ng road rage sa Caloocan. Ayon kay LTO Chief, Assistant Secretary Atty. Vigor D. Mendoza II, […]
-
P46 bilyong 2nd round ng SAP naipamahagi
Naipamahagi na ng Department of Social Welfare and Development (DSWD) ang may P46.5 bilyong pondo na ikalawang bugso ng Social Amelioration Program (SAP) fund ng pamahalaan sa panahon ng COVID-19 pandemic. Ayon sa DSWD, may kabuuang 6,951,049 pamilya ang tumanggap ng cash aid kasama na dito ang may 1.3 milyong Pantawid Pamilyang Pilipino Program […]