Pinoy boxer Mike Plania, wagi matapos ang big upset vs Greer sa Las Vegas
- Published on June 17, 2020
- by @peoplesbalita
Nagtala ng malaking upset win ang Pilipinong si Mike Plania sa bakbakan nila ng Amerikanong si Joshua Greer Jr. ngayong Miyerkules (Manila time) sa MGM Grand Conference Center sa Las Vegas.
Si Plania, na unang Pinoy boxer na nakatapak sa ring mula nang magsimula ang coronavirus pandemic, ay nagwagi sa pamamagitan ng majority decision, 94-94, 96-92, 97-91.
Maganda agad ang panimula ng 23-anyos na si Plania kung saan agad nitong pinadapa si Greer matapos ikonekta ang kaliwang hook sa unang round.
Muli namang napatumba ni Plania si Greer sa ikaanim na yugto ng bakbakan, gamit ulit ang makamandag nitong kaliwa.
Bagama’t ipinilit ni Greer na makahabol sa laban, mistulang huli na ang lahat upang iayon sa kanya ang sagupaan.
Bago ang laban, si Greer (22-2, 12 KO) ang heavy favorite at ang numero unong contender para sa isa pang Pinoy na si John Riel Casimero na hawak ang WBO bantamweight title.
Tubong General Santos City, nakamit na rin ngayon ni Plania (24-1, 12 KO) ang kanyang ikasiyam na sunod na panalo.
-
Ads July 16, 2021
-
Pamilyang Pinoy na dumanas ng gutom, nabawasan – SWS
NABAWASAN ang bilang ng mga pamilyang Pilipino na nakaranas ng gutom sa nakalipas na tatlong buwan Batay sa March 2023 survey ng Social Weather Station (SWS), 9.8% na mga pamilyang Pinoy o katumbas ng 2.7 milyong katao ang nakararanas ng involuntary hunger sa nakalipas na tatlong buwan. Higit na mas mababa ito sa […]
-
Diasnes, 2 iba pa gold sa taekwondo
BINALIKAT ni Cindy Joy Diasnes ang napasakamay na tatlong gold medal ng Philippine taekwondo squad nitong Linggo sa ASEAN Taekwondo Federation Online Speed Kicking Championships. Namayagpag ang Pinay sa senior female 57-kilogram o featherweight, habang mga naka-gold din sina Justin Kobe Macario senior male 58-kg. flyweight,at Jeordan Dominguez sa senior male 69kg. feather- weight. […]