PINOY PUGS VS JAPANESE RIVALS SA INT’L BOXING
- Published on February 20, 2020
- by @peoplesbalita
PINOY laban sa Hapon ang namumuong hidwaan ngayon sa international boxing.
Isa pang Philippine-Japan fight ang masasaksihan matapos ang naikasang laban nina Giemel Magramo at Japanese pug Junto Nakatani sa Abril 4 sa Tokyo, Japan.
Pag-aagawan nina Magramo at Nakatani ang bakanteng World Boxing Organization (WBO) flyweight crown na iniwan ni Japanese Kosei Tanaka na nagdesisyong umakyat sa super flyweight division laban sa kababayang si Kazuto Ioka.
Nakatakda ring labanan ni WBO bantamweight champion John Riel Casimero si International Boxing Federation at World Boxing Association bantamweight titlist Naoya Inoue sa Abril 25 sa Mandalay Bay Resort and Casino sa Las Vegas, Nevada.
Una nang nagtuos sina Inoue at Filipino-American Nonito “The Filipino Flash” Donaire noong Nobyembre 7 sa bantamweight finals ng World Boxing Super Series na ginanap sa Saitama, Japan kung saan nanaig ang Japanese pug.
Kaya naman desidido ang mga Pinoy fighters na makabawi sa pagkakataong ito upang maiwagayway ang bandila ng Pilipinas.
Hindi matatawaran ang katatagan ng Japanese fighters sa international arena at tula dng Mexico, tunay na kagigiliwan ang naturang duwelo.
Kasalukuyang may limang world titlist kumpara sa apat lamang ng Pilipinas.
Kasalukuyang kampeon ng Japan sina Kenshiro Teraji (WBC light flyweight), Hiroto Kyoguchi (WBA light flyweight), Kazuto Ioka (WBO super flyweight), Ryota Murata (WBA middleweight regular champion), at Inoue (WBA, IBF bantamweight).
Samantalang kasalukuyang world champions ng Pilipinas ay sina eight-division world titlist Manny Pacquiao (WBA welterweight super champion), Pedro Taduran (IBF minimumweight), Jerwin Ancajas (IBF super flyweight) at Casimero (WBO bantamweight).
-
DepEd, naglaan ng P1-B na pondo para sa expansion phase ng limited F2F classes
NAGLAAN ng humigit-kumulang isang bilyong piso ang Department of Education (DepEd) bilang support funds para sa lahat ng pampublikong paaralan sa buong bansa. Ayon kay Education Secretary Leonor Briones na ito ay bilang paghahanda ng kagawaran para sa mas dumarami pang mga paaralan na nakatakdang lumahok sa progressive expansion ng limitadong face-to-face classes […]
-
Ginugunita ang 3rd year death anniversary ng Black Mamba
Ginugunita ngayong Huwebes (Friday PH time) ang ikatlong anibersaryo ng malagim na pagbagsak ng helicopter na kumitil sa buhay ni Los Angeles Lakers superstar Kobe Bryant. Sa oras ng aksidente, ang NBA legend ay 41 taong gulang. Ang biglaang pagkamatay ng multi-time NBA at Olympic champion ay gumulat sa basketball community at sa […]
-
Pagpapalabas ng P3 bilyong karagdagang pondo ng DSWD, aprubado na ng DBM
PARA patuloy na mabigyang tulong ang mga indibidwal at mga pamilyang nangangailangan, inaprubahan na ng Department of Budget and Management (DBM) ang pagpapalabas ng karagdagang pondo na nagkakahalagang P3 bilyon para sa kinakailangang budget para sa Assistance to Individuals in Crisis Situation (AICS) program. Inaprubahan ni DBM Secretary Amenah F. Pangandaman ang pagpapalabas […]