PNP: 192K pulis ikakalat ngayong holiday season
- Published on December 20, 2022
- by @peoplesbalita
UPANG masiguro ang kaligtasan at kaayusan sa pagdiriwang ng Pasko ngayong taon, tinatayang nasa 192,000 pulis ang ipakakalat sa buong bansa.
Ayon kay PNP Chief General Rodolfo Azurin, Jr., titiyakin niya ang police visibility sa lahat ng mga lugar na dinadagsa ng tao.
“So kailangan nakikita ang ating kapulisan, ang kanilang mga mobile patrol lalo na kung Simbang Gabi dahil madilim pa. So, dapat very visible ang ating pulis para sa ganoon, anytime na kailangan ng assistance ng ating mga kababayan ay nandyan lang po sila,” ani Azurin.
Bukod sa mga pulis, nakaantabay din ang nasa 29,400 force multipliers sakaling kailanganin sa mga lugar na kailangan ang dagdag na seguridad.
Tiniyak din ni Azurin na may mga police assistance desks at motorist assistance centers para sa mga nangangailangan ng tulong at responde.
Sa ngayon aniya, ay wala pa silang natatanggap na mga untoward incidents simula noong Disyembre 16 na pagsisimula ng Simbang Gabi.
Samantala, pinaalalahanan ni Azurin ang publiko na mag-ingat sa mga shop lifters, at holdaper.
Aniya, umaatake ang mga ito sa mga shopping malls kung saan sinasamantala ang buhos ng mga nagsa-shopping para sa kanilang mga panregalo.
“‘Yung mga salisi sa mga malls, sa simbahan, lalo na sa Divisoria… sana pag-ingatan nila ang kanilang kagamitan… maging alerto sa lahat ng oras,” ani Azurin.
Dagdag pa ng PNP chief, may mga pulis ding magpapatrol kasama ang mga barangay officials upang masiguro na ligtas ang publiko sa pagdiriwang ng holiday season.
Ito aniya ang resulta kaya wala ng pulis ang pinapayagang mag-leave mula Disyembre 15 hanggang Enero 10, 2023. (BISHOP JESUS “JEMBA” M. BASCO)
-
Singil ng kuryente posibleng tumaas dahil sa SC decision
POSIBLENG tumaas ang singil ng kuryente sa bansa matapos na ideklara ng Korte Suprema na “null and void” ang kautusan ng Energy Regulatory Commission na nagpapatupad ng regulated power rates sa Wholesale Electricity Spot Market (WESM) noong Nobyembre at Disyembre 2013. Base sa court desisyon na ipinalabas ni SC Associate Justice Jhoseph Y. […]
-
‘Audio record’ ng Chinese Embassy ukol sa pag-uusap sa WPS, paglabag sa batas ng Pinas
MALINAW na paglabag sa batas ng Pilipinas ang pag-amin ng Chinese Embassy na mayroon itong audio recording ng isang Filipino general na nakikipag-usap sa Chinese diplomat kaugnay sa “new model” agreement sa West Philippine Sea (WPS). “Kung totoo man ito, labag sa international relations at labag sa batas dahil hindi sila nakipag-ugnayan sa […]
-
Bigyan ng break ang ilang mga frontliners
IREREKOMENDA ni Chief Implementer Carlito Galvez kay One Hospital Command Head DOH Undersecretary Leopoldo Vega na mabigyan ng bakasyon ang ilang mga frontliners. Ang hakbang ay bunsod na rin ng hirit ni Presidential Spokes- man Harry Roque sa gitna ng gumagandang estado o utilization rate ng mga health facilities na nasa singkuwenta porsiyento na […]