PNP, umapela sa mga nagnanais magkasa ng mga kilos protesta na gawin ito sa tamang lugar
- Published on May 12, 2022
- by @peoplesbalita
IGINAGALANG ng Philippine National Police o PNP ang karapatan ng bawat Pilipino na maghayag ng kanilang saloobin, salig sa itinatadhana ng Saligang batas.
Ito’y kasunod ng mga banta ng iba’t ibang grupo na magkilos protesta para tutulan ang isang partikular na kandidato na lumalamang ngayon sa bilangan.
Ayon kay PNP Director for Operations at Deputy Commander ng Security Task Force for National and Local Elections, P/MGen. Valeriano de Leon, hindi naman nila pipigilan ang anumang uri ng pagkilos lalo na kung ito’y paghahayag ng saloobin bilang bahagi ng demokrasya.
Gayunman, umaapela si de Leon sa mga nagnanais na magkasa ng mga pagkilos na maging mahinahon at tiyaking hindi ito makaaabala sa mas nakararami lalo pa’t balik normal na muli ang sitwasyon matapos ang Hatol ng Bayan.
Una rito, ibinabala ni PNP Officer-In-Charge, P/LtG. Vicente Danao Jr na sakaling may mga magmatigas pa rin at magpumilit na balewalain ang batas ay gagamitin ang kanilang buong puwersa para papanagutin ang mga nasa likod nito. (Daris Jose)
-
BULAKENYO TAEKWANDO MEDALISTS
SINA Gob. Daniel R. Fernando at Bise Gob. Alexis C. Castro kasama ang mga Bulakenyong nagkamit ng medalya sa Taekwondo sa ginanap Lingguhang Pagtataas ng Watawat sa Bulacan Capitol Gymnasium, Lungsod ng Malolos, Bulacan kahapon, na nagwagi ng 13 medalya sa 6th Heroes Taekwondo International Championship 2023 na ginanap sa Bangkok, Thailand noong Hulyo 2023, […]
-
P272 milyon lang nagastos sa kampanya ni BBM
KUNG ang Partido Federal ng Pilipinas (PFP) nina president-elect Ferdinand “Bongbong” Marcos Jr. ang paniniwalaan, umabot lang sa P272 milyon ang nagastos nila para sa eleksyong 2022. Ito ang isiniwalat ni George Briones, general counsel ng PFP, sa ulat ng ABS-CBN News pagdating sa kanilang statement of contributions and expenditures (SOCE) na ihahain […]
-
PBBM pinangunahan ang sectoral meeting, sumentro sa Economic Resiliency ng bansa sa harap ng Global Economic Slowdown
SUMENTRO sa Economic Resiliency ng bansa sa harap ng Global Economic Slowdown ang sectoral meeting na pinangunahan ni Pangulong Ferdinand Marcos Jr. sa Malakayang kaninang umaga kasama ang economic cluster. Kabilang sa mga dumalo sina Finance Secretary Benjamin Diokno, NEDA Director, General Arsenio Balisacan at DBM Secretary Amenah Pangandaman. Bukod sa […]