Power struggle sa Kongreso, posibleng magtagal pa kung hindi pa nagbabala si Pangulong Duterte sa mga nagbabangayang personalidad – Malakanyang
- Published on October 15, 2020
- by @peoplesbalita
KUMBINSIDO ang Malakanyang na mas humaba pa sana ang tensiyon ng awayan sa kapangyarihan sa Mababang Kapulungan ng Kongreso kung hindi pa nagsalita kamakailan si Pangulong Rodrigo Roa Duterte.
Ayon kay Presidential spokesperson Harry Roque, maaaring magtagal pa ang agawan sa puwesto kung hindi nagbigay ng mensahe ang Presidente sa mga sangkot na personalidad.
Mabuti naman ayon kay Sec. Roque at nakuha ng mga kinauukulan ang mensaheng nais ipaabot ng Chief Executive na ang gusto lang naman ay maipasa ang proposed 2021 national budget.
Kung hindi po siguro dahil dito ay lalo pang napahaba iyong agawan sa puwesto,” ayon kay Sec. Roque.
Kaya, nagpapasalamat ang Malakanyang sa Kongreso bunsod ng naging tugon nito sa panawagan ng Chief Executive.
Nakuha naman aniya ng mga kongresista ang pahiwatig ng Presidente na ang habol ay ang pondong magagamit ng pamahalaan sa susunod na taon habang wala itong pakialam sa pulitika.
Magugunitang, nagbabala ang Pangulo kamakailan na kung hindi maaayos ang gulo sa Kamara ay siya na ang gagawa ng aksiyon na may kinalaman sa budget ng bansa na gagamitin sa 2021.
-
Fury sabik ng makaharap si Wilder sa ikatlong pagkakataon
Tiniyak ni British boxer Tyson Fury na kaniyang pahihirapan ang American boxer na si Deontay Wilder sa kanilang paghaharap para sa heavyweight fight sa Oktubre 10 sa Las Vegas. Dagdag pa ng 33-anyos na si Fury, uulitin niya ang diskarte nito noong ikalawang paghaharap nila noong Pebrero 2020 na nagresulta sa pagkatumba nito […]
-
China, tinutulan ang Philippine-US defense treaty review –Lorenzana
ISINIWALAT ni Defense Secretary Delfin Lorenzana na tutol ang China sa planong repasuhin o rebyuhin ang 70-year-old defense treaty sa pagitan ng Pilipinas at Estados Unidos. Ito kasi ang nagbibigkis sa Estados Unidos na ipagtanggol ang Maynila mula sa pananalakay kabilang na ang pinagtatalunang South China Sea. ‘While the US welcomes the idea […]
-
Maria Ressa ‘abswelto’ sa 4 na tax evasion cases — korte
INABSWELTO ng First Division ng Court of Tax Appeals si Rappler CEO Maria Ressa at Rappler Holdings Corp. sa apat na kaso ng tax violations na inihain pa noong 2018. Miyerkules nang ibaba ng CA ang hatol sa Nobel Laureate at RHC tungkol sa mga kasong nakabinbin pa simula noong nakaraang administrasyon ni […]