Pribadong sektor, hindi nagpapatupad ng ‘no jab, no pay’ policy —Concepcion

ITINANGGI ni Presidential Adviser for Entrepreneurship at Go Negosyo founder Joey Concepcion na nagpapatupad ang pribadong sektor ng “no vaccine, no salary” policy.

“‘No jab, no pay,’ that’s not true,” diing pahayag ni Concepcion sa isang virtual press briefing.

“None of the companies that we are aware of are implementing ‘no jab, no pay’,” dagdag na pahayag nito.

Isimiwalat kasi ni Associated Labor Unions-Trade Union Congress of the Philippines (ALU-TUCP) spokesperson Alan Tanjusay na mayroong grupo ng mga empleyado ng isang kompanya sa Kalakhang Maynila ang lumapit sa kanila at ipinaalam sa kanila ang nasabing polisiya.

Dahil dito, hinikayat ni Tanjusay ang Department of Labor and Employment (DOLE) na magpalabas ng labor advisory warning laban sa mga employers kontra sa ipinatutupad na polisiya.

Samantala, sinabi naman ng Department of Health na hindi requirement para sa mga manggagawa ang magpabakuna muna bago matanggap ng mga ito ang kanilang sahod.

Gayunman, sinabi ni Concepcion, na inirekumenda ng kanyang grupo na ang mga empleyado sa high-risk and labor-intensive business establishments ay kailangan na fully vaccinated para maiiwas ang mga hindi bakunadong tao na mahawa ng malalang infection ng COVID 19.

“We are making a recommendation to Secretary [Silvestre] Bello that in labor-intensive businesses for example, semiconductors, call centers, or even POGOs or business establishments that entry is only for fully vaccinated customers, we are requesting that a vaccine mandate be implemented only for these sectors to protect the unvaccinated,”ayon kay Concepcion.

“I hope that soon enough, as vaccine supply stabilizes, DOLE can look into making vaccination mandatory in these high-risk industries,” dagdag na pahayag nito.

Sinabi pa ni Concepcion na hindi maaaring gamitin ng mga employers ang vaccination status ng kanilang mga empleyado bilang “excuse” para hindi bayaran ang mga ito para sa serbisyong kanilang naibigay.

“Employers should not use vaccination status as a qualifier whether the employee will get his or her salary. All employees should be paid for their work and service. No ifs and buts,” anito. (Daris Jose)