Provincial buses muling pinayagan sa EDSA
- Published on March 30, 2022
- by @peoplesbalita
MULING pinayagan ng Metropolitan Manila Development Authority (MMDA) ang mga provincial buses na dumaan sa EDSA mula 10:00 ng gabi hanggang 5:00 ng umaga kung saan magkakaron ng dalawang linggong dry run na nagsimula noong Huwebes ng gabi.
Sa isang pahayag ng MMDA sinabi nilang ang kanilang desisyon ay ayon sa isang resolusyon ng Inter-Agency Task Force for the Management of Emerging Infectious Diseases (IATF) kung saan nakasaad ang uniform travel protocols sa gitna ng pandemya.
“The Department of Transportation (DOTr) and the Land Transportation Franchising and Regulatory Board (LTFRB) gave the green light to allow provincial buses to ply EDSA starting 10:00 p.m. up to 5:00 a.m.,” wika ni MMDA chairman Romando Artes.
Sa ilalim ng nasabing resolusyon, ang mga buses na galing sa Metro Manila at papuntang mga probinsiya ay dapat gagamit ng integrated terminal exchanges bilang hubs ng transportasyon.
Ang mga pasahero sa ngayon ay sumasakay sa mga provincial buses na humihinto sa mga designated terminals pagkatapos ay lilipat sa mga carousel buses na dumadaan sa EDSA.
Samantala, natuwa naman ang mga kaalyado ni President Duterte sa mababang kapulungan dahil sa ginawang dalawang linggong pilot resumption ng mga provincial buses na dadaan sa EDSA.
Ayon kay congressman Joey Salceda, ang pagbabalik ng mga provincial buses sa EDSA ay makakatulong upang maging madali ang economic recovery ng bansa mula sa pandemya.
“We have limited transport options in Metro Manila. Provincial buses are critical to our mobility, a human right. As BPOs and other private firms resume face-to-face work, those who went to the provinces will again require modes of transport to and from Manila. Airfare, for most people, is beyond reach,” saad ni Salceda.
Sa nakaraang traffic summit naman ay naghain ng mga mungkahi ang mga stakeholders kung saan pinagusapan ang expansion ng number coding scheme at ang reimplementation ng truck ban.
Sinabi rin ni Artes na magkakaron sila ng sunod-sunod na consultations upang mas mapaganda pa ang traffic management sa Metro Manila.
“Rest assured that we will thoroughly study the proposed solutions and we will address the concerns of the commuters and transport sector,” dagdag ni Artes. LASACMAR
-
Zelensky, nakipag-usap kay Pope Francis tungkol sa Russia-Ukraine war
NAKIPAG-USAP si Ukrainian President Volodymyr Zelensky kay Pope Francis via phone call hinggil sa nangyayaring digmaan ngayon sa kanilang bansa laban sa Russia. Ibinahagi ni Zelensky sa kanyang address sa Italian Parliament na sinabi ng santo papa na naiintindihan nito ang hangad niya na kapayapaan at pakikipaglaban para sa mga sibilyan at kanyang […]
-
MMDA: Expanded number coding scheme hindi pa ipatutupad
ANG Metropolitan Manila Development Authority (MMDA) ay hindi pa magpapatupad ng kanilang expanded number coding scheme kahit na ang National Capital Region (NCR) ay nasa Alert Level 1 na. Ayon sa MMDA na kanilang naobserbahan at kanilang naitala na hindi pa rin gaanong madami ang mga sasakyan na dumadaan at gumagamit ng EDSA. […]
-
Blu Girls dapat nang maghanda para sa 2022 Asiad – Altomonte
NAKATAKDA na sa Setyembre 10-25, 2022 ang 19th Asian Games sa Hangzhou City, Zhejiang Province, China. Kaya gusto na ng dating national women’s softball team skipper, catcher at bagong nombrang secretary general ng Amateur Softball Association of the Philippines (ASA-Phil) na pabalikin na sa pag-eensayo ang Philippine Blu Girls. “The national […]