PS-DBM pinabubuwag sa Senado
- Published on August 16, 2022
- by @peoplesbalita
PABOR si Senate Minority Leader Aquilino “Koko” Pimentel III na buwagin ang Procurement Service of the Department of Budget and Management (PS-DBM) na sangkot sa pagbili ng P2.4 bilyon na umano’y maanomalyang laptops noong 20221.
Sinabi ni Pimentel, na ang PS-DBM ay tagong departamento ng DBM at ang kanilang pinuno ay hindi dumaraan sa kumpirmasyon ng Commission on Appointments (CA).
Kaya dapat umanong ikonsidera ng mga mambabatas na buwagin ito lalo pa at ang pondong ginagamit sa procurement dito ay mas malaki pa ang budget sa ibang departamento ng gobyerno.
Maliban pa sa nakatago ay nakahugas kamay din umano ang kalihim nito at ikinakaila ang tao niya na may kasalanan kahit nasa departamento niya ito.
Idinagdag pa ni Pimentel na dapat ay mayroong ahensiya ng gobyerno ang magpa-publish ng researched prices ng materials online para sa benepisyo ng lahat ng ahensiya na gustong bumili sa pamamagitan ng bidding process o iba pang uri ng procurement.
Nauna nang naghain ng resolusyon ang Senador para imbestigahan ng Blue Ribbon Committee ang pagbili ng Department of Educations (DepEd) ng laptop na gagamitin ng mga guro sa implementasyon ng distance learning sa pamamagitan ng PS-DBM.
Ang PS-DBM ay sangkot din sa P8.6 bilyon pagbili ng overpriced face masks, face shields at PPEs mula sa Pharmally Pharmaceutical Corporation. (Daris Jose)
-
SWS: 81% ng pamilyang Pinoy pagsusuotin ng mask ang mga bata sa school kahit boluntaryo na
NASA siyam sa 10 “household heads” ng mga Pamilyang Pilipino ang sang-ayon sa boluntaryong pagpapagamit ng face masks laban sa COVID-19 kahit sa mga estudyanteng pumapasok ng paaralan — sa kabila nito, 81% ang nagsasabing pagsusuotin pa rin nila ang kanilang mga anak tuwing pupunta ng eskwela, ayon sa Social Weather Stations. Matatandaang […]
-
Pinost ang selfie after na mapanood sa musical play: LEA, isa sa iniidolo ng bida ng ‘Young Sheldon’ na si IAIN ARMITAGE
BIG fan pala ng West End and Broadway star Lea Salonga ang bida ng US comedy series na ‘Young Sheldon’ na si Iain Armitage. Pinost ni Iain sa social media ang selfie niya kasama si Lea at Bernadette Peters after niyang mapanood ang West End musical na ‘Stephen Sondheim’s Old Friends’. […]
-
BBM: MURANG BIGAS SA BAWAT HAPAG-KAINAN NG PAMILYANG PINOY
TINIYAK ni Partido Federal ng Pilipinas (PFP) presidential frontrunner Ferdinand ‘Bongbong’ Marcos, Jr., na magkakaroon ng murang bigas na hanggang P20 kada kilo sa kanyang administrasyon matapos siyang manalo sa darating na halalan sa Mayo 9. Ayon kay Marcos, isa sa pangunahing layunin niya ay magkaroon ng subsidiya ang presyo ng bigas sa […]