PSC: Praktis ng atleta, ‘di apektado ng COVID-19
- Published on March 4, 2020
- by @peoplesbalita
HABANG wala pang pormal na anunsiyo buhat sa International Olympic Committee (IOC) kung itutuloy o hindi ang 2020 Tokyo Olympics sanhi ng coronavirus o Covid-19, tuloy ang ensayo at training ng mga national athletes na sasabak dito at ang mga atletang malaki ang tsansa na makapasok dito.
Ito ang ipinahayag ni Philippine Sports Commission (PSC) chairman William “ Butch” Ramirez sa isang panayam.
Ayon sa PSC chief, mas makabubuti umano na naghahanda ang mga atleta habang naghihintay ng anumang pahayag buhat sa IOC, hinggil sa kasalukuyang sitwasyon sa buong mundo.
“Our position is to await a formal announcement from the IOC but we have prepared for the worst (scenario),” ani Ramirez.
Nakatuon din umano ang pansin ng nasabing ahensiya sa mismong training ng mga atleta kung kaya naman minabuti nila na piliin Ang mga bansang walang kaso ng nasabing virus upang gawing ensayuhan.
Bukod pa dito ay siniguro din ng PSC chief na protektado ang mga atleta lalo na pagdating sa medical na aspeto upang mapangalagaan ang kalusugan ng mga ito.
“Our elite athletes are training with strong medical provisions,” aniya.
Sinabi pa ni Ramirez na buhos ang suporta ng gobyerno lalo pa nga at naglaan ng kabuuang P100 milyon si Pangulong Rodrigo Duterte para sa preparasyon ng mga atleta patu going Olimpiyada.
“We have the P100 million budget of the President (Rodrigo R. Duterte) to focus on our target of 20 Filipino athletes for the Olympics,” ani Ramirez.
Kabilang sa mga pambato ng bansa na kasalukuyang naghahanda para sa Tokyo Olympics ay sina pole vaulter Ernest John Obiena at gymnast na si Carlos Edriel Yulo, pati na Ang weightlifter na si Hidilyn Diaz.
Bukod pa sa mga nabanggit na mga atleta na my malaking potensyal sa Olimpiyada ay sina judoka Kiyomi Watanabe, taekwondo jin Pauline Lopez, skateboard athlete Margielyn Didal at si Nesthy Petacio at iba pa.
Target ng PSC na makapagpadala ng 20 atleta para sa Olimpiyada, habang sa kasalukuyang ay sina Obiena at Yulo pa lamang ang may sigurado nang tiket.
Samantala, nakatakda namang tumanggap ng parangal bilang Executive of the Year si Ramirez para sa gaganaping SMC-PSA Annual Awards Night ngayong Biyernes sa Centennial Hall ng Manila Hotel. (REC)
-
Kelot na suspek sa pagpatay sa bebot sa Valenzuela, timbog
ARESTADO ang isang construction worker na pangunahing suspek na pumatay sa isang babae at malubhang ikinasugat ng kasama nito makaraang masukol ng pulisya sa kanyang tirahan sa Valenzuela City. Sa ulat, inabangan ng mga tauhan ni Valenzuela police chief P/Col. Nixon Cayaban ang 40-anyos na si alyas “Rey”, sa kanyang pag-uwi […]
-
Romnick at Cris, parehong hanga sa boyfriend ni Kathryn: DANIEL, very pleasant na katrabaho at parang kuya sa young cast
“DANIEL Padilla is very pleasant to work with,” pahayag ni Romnick Sarmienta tungkol sa kalabtim at boyfriend ni Kathryn Bernardo sa zoom presscon ng trending series na 2Goor 2Be True. Mas maganda na raw ang ugnayan nina Romnick at Daniel ngayon na gumaganap bilang mag-ama sa naturang serye. Ayon pa kay […]
-
Height requirement ng mga ahensyang pang-seguridad, aprubado na
Inaprubahan ng House Committtee on Public Order and Safety ang ulat ng komite sa substitute bill na naglalayong babaan ang minimum height requirement. Gayundin ang pag-alis sa pagpapaubaya sa sukat ng mga aplikante sa Philippine National Police (PNP), Bureau of Fire Protection (BFP), Bureau of Jail Management and Penology (BJMP) at Bureau of Corrections […]