Pukpukan na sa UAAP 2nd round
- Published on April 12, 2022
- by @peoplesbalita
PAPASOK na ang UAAP Season 84 men’s basketball tournament sa krusyal na second round.
Kaya naman inaasahang mas magiging matinding bakbakan ang masisilayan dahil unahan na ang lahat ng teams para makapasok sa Final Four.
Magsisimula ang second round bukas tampok ang salpukan ng reigning champion Ateneo at La Salle sa alas-7 ng gabi sa Mall of Asia Arena sa Pasay City.
Lalarga rin ang bakbakan ng Nationa University at University of the Philippines sa alas-10 ng umaga kasunod ang duwelo ng Far Eastern University at Adamson University sa alas-12:30 ng tanghali at ng University of Santo Tomas at University of the East sa alas-4:30 ng hapon.
Namamayagpag ang Blue Eagles na hawak ang solong pamumuno matapos ang seven-game sweep sa first round.
Ngunit para sa Ateneo, kailangang pa ring pumukpok sa second round upang maabot ang inaasam nito.
“I think every game’s really going to be a dogfight. We’re not looking at our record, how many wins we have. That’s something we’ve been stressing to our players even in this game. The game’s not yet over,” ani assistant coach Sandy Arespacochaga.
Nakabuntot sa ikalawang puwesto ang Fighting Maroons na may matikas na 6-1 baraha at ikatlo ang Green Archers na hawak ang 5-2 marka.
Nasa Top 4 ang Bulldogs na may 4-3 rekord kasunod ang Tamaraws (3-4), Growling Tigers (2-5), Soaring Falcons (1-6) at Red Warriors (0-7).
-
Infotainment show na ‘Amazing Earth’, four years na: DINGDONG, maraming natutunan at enjoy sina ZIA at SIXTO sa panonood
MAGKASUNOD na magsi-celebrate ng kani-kanilang anniversary this Sunday, July 10, ang infotainment show na “Amazing Earth” hosted by Kapuso Primetime King Dingdong Dantes sa kanilang 4th year anniversary at ang fun-filled adventure series na “Daig Kayo ng Lola Ko,” sa kanila namang 5th anniversary celebration. Unang mapapanood ang “Amazing Earth” na sabi nga ni Dingdong, […]
-
PBBM, malugod na tinanggap ang $2.5-B investment pledge ng Thai firm
MALUGOD na tinanggap ni Pangulong Ferdinand R. Marcos Jr. ang plano ng Thailand conglomerate Charoen Pokphand Group (CP Group) na mamuhunan ng USD2.5 billion (P140.8 billion) sa Pilipinas para palakasin ang sektor ng agrikultura. Tinalakay ang investment pledge nang makipagpulong si Pangulong Marcos sa mga opisyal ng CP Group, pinangunahan ni chairman Soopakij Chearavanont, sa […]
-
COVID-19 cases sa PNP tumataas
Kasabay ng patuloy na pagtaas ng kaso ng COVID sa hanay ng mga pulis, inutos ni Philippine National Police (PNP) Chief Gen. Guillermo Lorenzo Eleazar sa PNP Administrative Support to Covid-19 Task Force (ASCOTF) na magsagawa ng inventory sa mga gamot at iba pang mga medical supplies na kakailanganin ng mga police personnel. […]