Puring-puri sa pagiging Vice Governor: EJAY, magtatapos sa special course tungkol sa Local Governance
- Published on May 30, 2024
- by @peoplesbalita
ISA ang aktor na si Ejay Falcon sa mga taga-showbiz na natagumpay na pasukin ang mundo ng pulitika.
Kasalukuyang nakaupo bilang bise gobernador ng Oriental Mindoro si Ejay.
Kahit na tuloy tuloy pa ring tumatanggap ng showbiz projects ay hindi rin naman napabayaan ng aktor/politician ang kanyang pagiging public servant.
Kinayang pagsabayin ang kanyang trabaho bilang Vice Governor at artista.
Puring-puri nga ng kanyang mga constituents si Ejay dahil sa super enjoy ngayon sa kanyang pagseserbisyo-publiko at sa first love niya bago siya naging politiko, ang showbiz.
Sey pa ni Ejay na mas marami pa rin siyang oras na inilalaan sa pagiging vice-governor kesa sa paggawa ng pelikula at teleserye.
At kahit kaliwa’t kanan ang mga ginagawa masaya ring ibinalita ni VG Ejay na malapit na niyang matapos ang pag-aaral ng special course na Political Science Major in Local Governance sa University of Makati.
Kagaya rin naman ng Star for All Seasons na naging mayor, gobernadora at congresswoman ay nag-enroll at natapos ni Ate Vi ang crash course tungkol sa local governance at ang pagawa ng mga batas.
Humingi rin ng despensa si VG Ejay sa mga invitations na hindi niya napuntahan sa kanilang probinsiya dahil inilaan niya ang araw para sa kanyang pag-aaral at sa ilang showbiz affairs.
“Kasi nasa Manila talaga ako nun, Friday hanggang Sunday. So yun, yun yung schooling,” ang pahayag pa niya.
“Pagdating diyan, kailangan mong pag-aralan lahat yan para maka-survive ka, and para alam mo kung paano ang gagawin sa pinasok mong propesyon,” tuloy-tuloy pang paliwanag ng bise gobernador.
***
GANAP ng batas ang RA 11996 na mas kilala bilang “Eddie Garcia Law”.
Pinirmahan na ni Pangulong Ferdinand Marcos Jr. ang nasabing batas na kung saan regular na rerepasuhin ang working conditions sa industriya ng pelikula at telebisyon para maprotektahan ang mga showbiz workers.
Ang RA 11996 ay ang panukala na naglalayong maprotektahan ang kapakanan ng mga manggagawa sa industriya ng pelikula at telebisyon.
Ayon sa nasabing bagong batas ay inaatasan nito ang mga employer na protektahan ang kanilang mga manggagawa at magpatupad ng mga oras ng trabaho, sahod at iba pang benepisyo na may kaugnayan sa pasahod.
Napapaloob din sa naturang batas ang pagbibigay ng SSS (Social Security System) at iba pang benepisyo, pangunahing pangangailangan, kalusugan at kaligtasan, kondisyon at pamantayan sa pagtatrabaho at insurance.
Ang ‘Eddie Garcia Bill’ ay isinulong sa Kongreso matapos maaksidente ang 90 taong gulang na aktor habang nasa movie set sa Tondo, Maynila noong 2019.
Matapos ang dalawang linggo na pagkaka-comatose ay pumanaw ang beteranong aktor.
Base sa batas, bago sumabak sa trabaho ang isang aktor o empleyado sa telebisyon at pelikula dapat ay may kasunduan o employment contract muna na lalagadaan sa lenguwaheng mauunawaan ng bawat partido.
Ang sinumang mapapatunayang lumabag sa nasabing batas ay pagmumultahin ng hanggang P100,000 sa unang paglabag, hanggang P200,000 sa pangalawa at hanggang P500,000 sa ikatlo at susunod pang mga paglabag.
(JIMI C. ESCALA)
-
JED, sobrang nakaka-relate sa pinagdaanan ng ‘BTS’ bago sila naging global superstars; nakaranas din ng anxiety attacks
NAGING open ang singer na si Jed Madela tungkol sa naranasan niyang anxiety noong magkaroon ng COVID-19 pandemic. Sa naging panayam niya sa vlog ni Ogie Diaz, kinuwestiyon ni Jed ang sarili kung hinahanap-hanap pa ba siya ng maraming tao at kung may career pa ba siyang puwedeng matawag? “Ang daming […]
-
Dahil sa pagdating ni KC mula sa Amerika: SHARON, masayang-masaya na muli silang nakumpleto sa birthday ni FRANKIE
MERRY ang Christmas this year ni Megastar Sharon Cuneta. Nabuo uli ang kanilang pamilya, dahil dumating ang panganay niyang si KC Concepcion na madalas nilang hindi nakasama, dahil naglalagi na ito sa USA. Twenty-second birthday ng panganay nila ni former Senator Kiko Pangilinan, na si Frankie ang occasion. Caption ni Shawie sa first post niya: […]
-
2 pang quarantine facilities binuksan ni Yorme Isko
MAY dalawa pang quarantine facilities ang binuksan, kahapon ni Manila Mayor Francisco “Isko Moreno” Domagoso, bilang paghahanda sa posibleng 2nd wave ng COVID19 sa Maynila. Ayon kay Moreno,kasama niya si Vice Mayor Honey Lacuna sa inagurasyon ng pinalawak na San Andres Sports Complex quarantine facility, na susundan pa ng pagbubukas ng katulad ding pasilidad […]