Remulla itinangging pinoproteksyunan si Duterte sa ICC probe vs drug war
- Published on February 1, 2023
- by @peoplesbalita
TAHASANG itinanggi ni Justice Secretary Jesus Crispin Remulla na pinoproteksyunan niya sa imbestigasyon ng International Criminal Court (ICC) si dating Pangulong Rodrigo Duterte.
Sa isang panayam, binuweltahan ni Remulla ang ICC na siyang dapat magbigay sa kanila ng ebidensya na makakatulong sa isinasagawang imbestigasyon ng DOJ sa mga naganap na pagpatay kaugnay ng “war on drugs” ng nakaraang administrasyon.
Muli niyang iginiit na may sariling korte ang Pilipinas na gumagalaw kaya hindi kailangan ang pag-usig ng ICC. Responsibilidad umano ng DOJ ang loob ng bansa kaya sila ang may karapatan sa pagsasagawa ng imbestigasyon.
Una nang sinabi ni Remulla na hindi “welcome” ang muling pagbubukas ng ICC sa imbestigasyon at nakakairita lamang ito. Hindi rin umano niya papayagan ang anumang galaw na kukuwestiyon sa soberenya ng Pilipinas.
Sa muling pagbubukas ng ICC sa imbestigasyon, sinabi nito na hindi sila kuntento sa isinagawang imbestigasyon ng Pilipinas sa “war on drugs” at hindi ito sasapat para ihinto ang imbestigasyon nila.
Samantala, sinabi ni Remulla na may posibilidad na pag-usapan niya at ni Vice President Sara Duterte ang ICC probe, lalo na at nagkikita sila bilang miyembro ng gabinete ni Pangulong Bongbong Marcos.
-
Zoey Taberna, nag-open up sa kanyang pakikipaglaban sa sakit na leukemia sa murang edad
“Just the word ‘leukemia’ itself made me so afraid.” Ang leukemia, ayon sa healthline.com, “is a cancer of the blood cells.” Ito ang bahagi ng madamdaming post sa Instagram ni Zoey Taberna, ang panganay na anak ng brodkaster na si Anthony Taberna. Si Zoey, 12, ay kasalukuyang nakikipaglaban sa sakit na leukemia. Noong December 2, […]
-
65.7 milyong Pinoy pipili na ng mga bagong lider
NASA 65.7 milyong mga botanteng Pilipino ang inaasahang dadagsa ngayon sa iba’t ibang ‘polling precints’ ng Commission on Elections (Comelec) para pumili ng mga bagong lider ng bansa ngayong 2022 National at Local Elections. Sinabi ni Comelec Chairman Saidamen Pangarungan na “all systems go” na sila maging ang mga katuwang na ahensya ng […]
-
Diaz focus muna sa gold sa 2024 Paris Olympics
PANSAMANTALANG isasantabi ni Tokyo Olympic Games gold medalist Hidilyn Diaz ang pagbuo ng pamilya kasama ang fiance na si coach Julius Naranjo. Sasabak pa kasi ang tubong Zamboanga City lady weightlifter sa 2024 Olympics sa Paris, France kung saan hangad niya ang ikalawang sunod na Olympic gold. “Yes, we’re planning to […]