• April 16, 2024
  • Ang Diyaryong Pinagkakatiwalaan

RESTOS PWEDE NANG MAG-OPERATE LAGPAS SA CURFEW

PINAYAGAN na sa Navotas city ang mga delivery, take-out at drive-thru services ng mga restaurants at iba pang food establishments ng lagpas sa 8PM–5AM citywide curfew hours.

 

Sa ilalim ng Executive Order No. 044 ay  pinapayagan na ang mga food establishments na mag-operate lagpas sa curfew hours upang makapag-deliver ng pagkain sa loob at labas ng lungsod, at makapagsilbi ng take-out at drive-thru services only sa mga authorized persons outside of residence (APOR).

 

Sakop din ng order ang mga kainan sa loob ng grocery stores at supermarkets na mayroong delivery services.

 

Gayunpaman, ang dine-in na lagpas sa curfew hours ay ipanagbabawal, at ang mga hindi APOR ay bawal ding bumili ng pagkaing take-out o drive-thru mula 8PM-5AM.

 

“Mayroon pa ring nangangailangan sa mga serbisyo ng pagkain sa oras ng curfew na mga nagtatrabaho sa gabi, kabilang ang mga doktor, nars, iba pang health personal, driver ng ambulansya, call center agents, security guard at mga nagtatrabaho sa Navotas Fish Port Complex,” ani Mayor Toby Tiangco.

 

Kinakailangang mahigpit na ipatupad ng mga food establishments ang social distancing at iba pang safety protocols, at kailangan ding magsagawa ng masusi at regular na sanitation at disinfection. (Richard Mesa)

Other News
  • SONA NI PBBM, NAKATUON SA EKONOMIYA

    EKSAKTONG alas-3:33 ng hapon nang dumating sa Batasang Pambansa si Pangulong Ferdinand Marcos  Jr. para sa kanyang unang State Of the Nation Addres (SONA) kahapon, July 25.     Dumiretso  ang Pangulo sa Executive Lounge ng Kongreso  kasama ang kanyang may bahay na si Lisa at Executive Secretary Vic Rodriqguez, mga senador at iba pa. […]

  • Gobyerno, handa na kay ‘Mawar’

    TINIYAK ng administrasyong Marcos sa publiko na naghahanda na ito para sa posibleng epekto ng  tropical storm Mawar, partikular na sa mga rehiyon ng Ilocos at Cagayan Valley.     Sa press briefing sa Malakanyang, sinabi ni Social Welfare Secretary Rex Gatchalian na inihanda na ng kanyang departamento ang mga  goods o kalakal sa iba’t […]

  • KC, nag-celebrate ng 36th birthday kasama ang pamilya ni GABBY; sa beach house inabutan ng lockdown

    SA halip magreklamo, natuwa pa si KC Concepcion na inabutan siya ng lockdown sa beach house ng amang si Gabby Concepcion sa Lobo, Batangas.     Dahil sa ECQ sa NCR at apat pang bayan na malapit sa National Capital Region na hindi pa alam kung muling mai-extend para hindi pa siya makabalik sa NCR […]