• April 20, 2024
  • Ang Diyaryong Pinagkakatiwalaan

Rider todas sa araro ng SUV sa Bulacan

Patay ang isang 24-anyos binatang motorcycle rider matapos masagasaan at araruhin pa ng humaharurot na sports utility vehicle sa bayan ng Guiguinto.

 

Sa report ni Guiguinto acting chief of police, P/Maj. Rolando Geronimo, kinilala ang biktima na si EhdGlenn Fajardo, residente ng Wawa St. Bagong Barrio, Balagtas.

 

Tumakas ang driver ng puting Kia Sorento (UIL- 643) at inabandona ang sasakyan.

 

Ayon sa imbestigasyon ng pulisya, nangyari ang insidente habang lulan sa motorsiklong Yamaha Nouvo Z ang biktima, bago maghatinggabi nitong Biyernes sa crossing ng Brgy. Poblacion, Guiguinto.

 

Base sa ibinahaging CCTV footage ni Michaela Alano, bandang 11:09 p.m. ay dahan-dahang paliko sa kaliwa ang rider mula sa Southbound nang banggain ng humaharurot na SUV.

 

Kita sa CCTV footage ang pagtilapon nang ilang metro ng biktima habang kinakaladkad ang kumikislap na motorsiklo.
Iniwan ng driver ang SUV sa Sitio Recoleto Uno, Brgy. Sta Rita na posibleng tumirik dahil sa tindi ng pagkakabangga sa motorsiklo.

 

Ayon sa report ng pulisya, nakarehistro ang sasakyan sa nagngangalang Bon Edralin Gulapa na naninirahan sa Sabang, Baliuag.

 

Patuloy ang imbestigasyon ng pulisya para matukoy ang driver ng SUV.
Humihingi naman ng hustisya ang kaanak ng biktima. Dick Mirasol III.

Other News
  • Hinamon ng mga Kongresista ang PACC na samahan ng ebidensiya ang ‘grossly unfair’ na alegasyon

    Mariing itinanggi at kinondena ng mga mambabatas ang pagkakalagay ng kanilang pangalan sa listahan ng Presidential Anti-Corruption Commission (PACC) na isinumite kay Pangulong Rodrigo Duterte hinggil sa mga kongresista na umano’y sangkot sa katiwalian.   Hinamon din ng mga kongresista ang pacc na samahan ng ebidensiya ang ‘grossly unfair’ na alegasyon na korupsyon laban sa kanila […]

  • DAVID, handang sumubok sa sexy movies at willing ipakita ang lahat para walang mabitin

    DAHIL nauuso na naman ang mga sexy movies, handa raw ang Kapuso hunk na si David Licauco na subukan ito.     May malaking advantage si David dahil maraming netizen na parating inaabangan ang mga sexy pictorial niya for Bench Body. Kung sakaling gumawa ng sexy movie ito, tiyak na maraming beki ang manonood nito, […]

  • Hanga sa pagiging versatile actor… RHIAN, matagal na palang gustong makasama sa movie si PAOLO

    ANG bagong Marikit Artist Management na ang nangangalaga sa showbiz career ng young actress na si Barbara Miguel.   Pag-aari ni Joseph “Jojo” Aleta na dati ring may mataas na puwesto sa GMA bago nagdesisyong magtayo ng sarili niyang talent agency dahil wala na nga si Barbara sa GMA, paano kung may makukuha si Joseph na […]