ROCCO, umamin na si MAX ang pinakamasarap na nakahalikan sa teleserye

SA December na raw magkikita ulit ang buong Legaspi family kaya hindi mapigilan ni Carmina Villarroel na muling maging emotional sa kanyang recent post sa Instagram.

Nagsimula na kasi ng lock-in taping si Cassy Legaspi para sa second season ng First Yaya na First Lady na bida si Sanya Lopez at Gabby Concepcion.

      Si Mina naman ay magla-lock-in taping din ng bagong episode ng Stories From The Heart: End of Us kunsaan kasama niya ang mister na si Zoren Legaspi.

      Sa two short clips and three photos na pinost ni Mina, emosyal itong nagpaalam kay Cassy. In the first video.

      “Hotel quarantine/lock in tapings are emotionally and mentally tough. We will miss you baby girl @cassy Tatay and I will work first. See you on Dec. We love you @cassy missing kuya @mavylegaspi too,” caption ni Mina.

Si Mavy Legaspi lang ang maiiwan sa kanilang bahay dahil tapos na ito sa kanyang lock-in taping for I Left My Heart In Sorsogon noong nakaraang October pa.

Kaya sa December raw na ulit mabubuo ang Legaspi family.

***

HINDI nagpaliguy-ligoy si Rocco Nacino nang tanungin siya sa segment ng ng The Boobay and Tekla Show na “Sasagutin o Kakainin”.

Tinanong kasi ang To Have and To Hold actor kung sino sa mga naka-kissing scene niyang mga Kapuso actresses ang pinakamasarap humalik?

May choice si Rocco na hindi niya sasagutin, pero kailangan mamili siya ng inumin na nasa harapan na may kakaibang lasa. Kung sasagutin naman niya, pipili siya mula sa mga taga-Mema Squad kung sino ang iinom.

Sa pambubuyo ng Mema Squad na huwag nang sagutin ni Rocco dahil baka magalit daw ang misis nitong si Melissa Gohing. Pero nagdesisyon ang aktor na sagutin ang tanong at ang pinakamasarap daw kahalikan sa teleserye ay si Max Collins.

      Ipinaliwanag naman ni Rocco na parte raw ng trabaho nila ni Max bilang mga artista na husayan nila ang pagganap sa kanilang roles, kasama na raw doon ang mga intimate scenes para magmukha raw makatotohanan.

Matagal na raw magkakilala sina Max at Rocco kaya wala na raw ilangan sa kanila pagdating sa mga gano’ng eksena. Yun daw ang tinatawag na professional sa trabaho.

***

PAGKATAPOS na maging isang box-office superstar dahil sa Marvel film na Shang-Chi and the Legend of the Ten Rings, ang next project ni Simu Liu ay isang romantic film na ang title ay One True Loves.

      Sa pelikulang ito na based sa 2016 novel ni Taylor Jenkins, nais ipakita ni Liu na hindi lang siya pang-superhero roles kundi puwede siyang maging isang romantic leading man sa pelikula. Makakasama niya rito ay sina Phillipa Soo at Luke Bracey. Mula ito sa direction ni Andy Fickman.

      Ang One True Loves ang napiling script ni Liu na gawin dahil na-challenge siyang gumawa ng pelikula na hindi kailangan ng mga special effects at mga big action scenes.

Sey ni Liu: “I knew that much of the world was going to expect me to do more Kung Fu films. It’s always been important to me to constantly challenge people’s perceptions of myself, as well as of Asian people as a whole. “While I celebrate legendary actors such as Jackie Chan, Jet Li and Bruce Lee, I know that my path is very different. I am not a master of Kung-Fu, after all; I am an actor who trained very hard to embody the character that I was hired to play. As such, I’m beyond excited to step into Sam’s shoes for this movie that I am deeply in love with.

      “I want to play characters that people can connect to, and that continue to challenge people’s expectations of what Asian people can be. It sounds strange, but sometimes it feels like the most avant-garde thing I can do as an Asian actor is to play a human being. No martial arts, no stereotypes, no accent… just a flawed, messy, insecure human.”

(RUEL J. MENDOZA)