Sa ika-anim na edisyon ng ‘The EDDYS’… NADINE at HEAVEN, makakalaban sina KIM, MAX, JANINE, at ROSE sa pagka-Best Actress

TIYAK na kapana-panabik na naman ang magiging labanan sa ika-anim na edisyon ng The EDDYS o Entertainment Editors Choice ng Society of Philippine Entertainment Editors (SPEEd) sa taong ito.

Muli ngang magtatapat sa pagka-Best Actress sina Nadine Lustre para sa ‘Greed’ at Heaven Peralejo para sa ‘Nanahimik ang Gabi’. Makakalaban nila sina Kim Chiu (‘Always’); Max Eigenmann (’12 Weeks’); Janine Guttierez (‘Bakit ‘Di Mo Sabihin’); at Rose Van Ginkel (‘Kitty K-7’).

Sa pagka-Best Actor rin ang bakbakan nina Elijah Canlas (‘Blue Room’); Baron Geisler (‘Doll House’); Noel Trinidad (‘Family Matters’); Ian Veneracion (‘Nanahimik ang Gabi’); at JC de Vera, (‘Bakit ‘Di Mo Sabihin’).

Limang pelikulang Pilipino naman ang nagmarka at nang-agaw ng eksena noong nakaraang taon ang maglalaban-laban.

Nominado sa Best Film ang “Bakit ‘Di Mo Sabihin”, “Blue Room”,“Doll House”, “Family Matters” at “Nanahimik ang Gabi.”

Sina Marla Ancheta (‘Doll House’); Ma-an L. Asuncion-Dagñalan (‘Blue Room’); Real S. Florido (‘Bakit ‘Di Mo Sabihin’); Nuel Crisostomo Naval (‘Family Matters’); at Shugo Praico (‘Nanahimik ang Gabi’) ang na-nominate sa Best Director category.

Hindi rin magpapahuli ang labanan nina Mylene Dizon (‘Family Matters’); Matet de Leon (‘An Inconvenient Love’); Althea Ruedas (‘Doll House’); Ruby Ruiz (‘Ginhawa’); at Nikki Valdez (‘Family Matters’) sa kategoryang Best Supporting Actress.

Para sa Best Supporting Actor, mabigat din ng labanan nina Nonie Buencamino (‘Family Matters’); Mon Confiado (‘Nanahimik ang Gabi’); Soliman Cruz (‘Blue Room’); Sid Lucero (‘Reroute’); at Dido dela Paz (‘Ginhawa’).

Magaganap ang 6th Entertainment Editors’ Choice sa Oktubre, 22, 2023 sa EVM Convention Center, 37 Central Avenue, Quezon City, mula sa direksyon ng award-winning actor at filmmaker na si Eric Quizon. Ihahatid ng Airtime Marketing Philippines ni Tessie Celestino-Howard ang ikaanim na edisyon ng The EDDYS. Magkakaroon ito ng delayed telecast sa NET 25 sa Oktubre 28.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Eugene Asis ng People’s Journal.

Ang pagbibigay-parangal ng SPEEd ay isang paraan din para hikayatin, lalong pataasin ang morale at patuloy na magbigay-inspirasyon sa Filipino filmmakers, producers, writers, actors at iba pang kasama sa pagbuo ng isang matino at dekalibreng pelikula.

Narito ang iba pang nominado para sa The 6th EDDYS:

BEST SCREENPLAY

Anna Isabelle Matutina, “12 Weeks”
Mel Mendoza del Rosario, “Family Matters”
Shugo Praico, “Nanahimik ang Gabi”
Onay Sales-Camero, “Doll House”
Racquel Villavicencio, “Lampas Langit”

BEST CINEMATOGRAPHY

Neil Daza, “Blue Room”
Yam Laranas, “Greed”
Tom Redoble, “Doll House”
Noel Teehankee, “An Inconvenient Love”
Moises Zee, “Nanahimik ang Gabi”

BEST PRODUCTION DESIGN

Marxie Maolen Fadul, “Blue Room”
Marielle Hizon, “Nanahimik ang Gabi”
Erik Manalo, “Doll House”
Cheska Salangsang, “An Inconvenient Love”
Elfren Palpan Vibar Jr., “Family Matters”

BEST EDITING

Vanessa de Leon, “Blue Room”
Michael Lacanilao and Anna Isabelle Matutina, “12 Weeks”
Noah Tonga, “Doll House”
Noah Tonga, “Mahal Kita Beksman”
Moises Zee, “Nananahimik ang Gabi”

BEST MUSICAL SCORE

Teresa Barrozo, “An Inconvenient Love”
Pipo Cifra, “Katips”
Jesse Lasaten, “Doll House”
Jazz Nicolas and Mikey Amistoso, “Blue Room”
Emerzon Tecson, “Mahal Kita Beksman”

BEST SOUND

Aizen Andrade, “How to Love Mr. Heartless”
Andrea Teresa Idioma and Emilio Bien Sparks, “Nananahimik ang Gabi”
Janina Mikaela Minglanilla and Michael Keanu Cruz, “Blue Room”
Immanuel Verona, “Reroute”
Immanuel Verona and Fatima Nerikka Salim, “LiveScream”

BEST VISUAL EFFECTS

BB Studio, “Deleter”
Carl Regis Abuel, Tricia Bernasor, Geraldine Co, “LiveScream”
Gaspar Mangarin and Walter Monte, “Reroute”
John Anthony Wong, “Nananahimik ang Gabi”
Visual Magic, “Bahay Na Pula”

BEST THEME SONG

“Aking Mahal”, (“Mamasapano: Now It Can Be Told”) composed and sung by Atty. Ferdinand Topacio
“Hihintayin Kita, (“Broken Blooms”) composed by Louie Ignacio and sung by Jeric Gonzales
“Nais Ko” (“Yorme: The Isko Domagoso Story”) composed by Joven Tan
“Sa Hawak Mo” (“Family Matters”) composed by Paulo Zarate and sung by Floyd Tena
“Unang Araw ng Pag-iisa”, (“Blue Room”) from the poem of Jeng Plata, composed by Mike Dagnalan and sung by Rebel Rebel

(ROHN ROMULO)