Sa kanto: Ang ‘No loading and Unloading’ zones at mga pasaway na driver at pasahero
- Published on October 1, 2020
- by @peoplesbalita
MADALAS sa jeep o bus, ang mga bumababang pasahero ang sasabihin pag pumara ay “mama sa kanto lang”. Makikita rin natin na madalas nakaparada ang mga jeep na ito sa kanto dahil nandun ang mga pasahero.
May mga tricycle din na ang terminal ay sa mga kanto. Resulta – dagdag sa gipit sa trapiko! Importante na hindi binabarahan ang mga kanto sa mga kalye. Pero lagi na lang natin nakikita na ang mga kanto ang syang madalas lapastanganin ng mga pasaway na drivers at pasahero. Isama na dito ang mga illegal na vendors. Halimbawa, sa kanto ng Katipunan Ave. at Aurora Blvd. patungong Marcos highway.
Napakalaki na ng karatulang “no loading and unloading” sa kanto at naglagay na ng mahabang island ang MMDA pero doon pa rin nag-aabang ng masasakyan ang mga pasahero.
Kaya tuloy ang mga pasaherong jeep mag-me-menor at babagal ang takbo kapag malapit na sa kanto at yun na ang dahilan ng traffic congestion sa area. Mabuti at pinagtityagaan ng mga tauhan at kawani ng Task Force ng QC na itama naman ang sityasyon at igiya ang mga pasahero sa tamang sakayan.
Ginagawa ring illegal terminal ang mga kanto kaya bumabara sa ibang motorista at nagkakaroon pa ng mga illegal na vendors. Isa sa mga problema sa lansangan ay ang hindi pagsunod sa loading and unloading zone.
Gusto kasi ng pasahero ay sa tapat na tapat mismo ng kanilang destinasyon ang baba nila. At kapag hindi ginawa ni mamang driver at lumampas na konti ay halos may away agad na mamamagitan. Ang disiplina sa lansangan ay hindi lang para sa mga driver kundi sa mga motorista at mga pasahero rin – sa tamang sakayan at babaan lang.
At sa tamang tawiran lang. Sanhi ng matinding traffic ang hindi pagsunod ng mga tao sa batas sa batas trapiko. Kailangan din maging mahigpit sa pagpapatupad ng batas laban sa “jaywalking”.
Nababastos ang mga simpleng batas trapiko at tila wala nang sumusunod. Sana ang simpleng pagsunod sa ‘no loading and unloading zones’ ay mapairal ng mahigpit sa ating mga lansangan. (Atty. Ariel Enrile-Inton)
-
Guillermo: Ang Handog ng Obra, dinominaang 4th SINEliksik Bulacan and Docu Special
NAGWAGI ng apat na pangunahing gantimpala at nag-uwi ng P170,000 premyo ang dokumentaryong “Guillermo: Ang Handog ng Obra” sa ikaapat na SINEliksik Bulacan Docufest and Docu Special na ginanap sa Nicanor Abelardo Auditorium, Hiyas ng Bulacan Cultural Center sa lungsod na ito. Nagwagi ng Best Documentary Film, Best Research, Best Cinematography, at Best […]
-
13 milyong motorsiklo sa Pinas ‘di rehistrado – LTO
TINATAYANG 13 milyong motorsiklo na tumatakbo sa lansangan sa buong bansa ang hindi rehistrado. Ayon kay Land Transportation Office (LTO) Plates Unit officer-in-charge Nivette Amber Pastorite sa pagdinig ng Senate Committeee on Justice and Human Rights na pinamumunuan ni Sen. Francis Tolentino, 12.9 milyon motorsiklo ang tumatakbo sa mga lansangan na hindi rehistrado. […]
-
Valenzuela police at mga mamamahayag sa CAMANAVA, nagsagawa ng dayalogo
PINANGUNAHAN ni P/Col. Salvador S. Destura Jr, Officer-In-Charge ng Valenzuela City Police Station ang isinagawang dayalogo sa pagitan ng Valenzuela police at mga mamamahayag na komokober sa Caloocan-Malabon-Navotas-Valenzuela (CAMANAVA) upang mapag-usapan at malaman nila kung may banta ba sa kanilang mga buhay o panganib dahil sa kanilang ginagampanang trabaho bilang mga mamamahayag. Kaugnay […]