Sa kinagigiliwang segment ng ‘AOS’: TOM, ‘di nasagot ang tanong tungkol kay CARLA kaya nadismaya ang netizens

NAGBALIK na sa bahay nila ang mag-asawang Dennis Trillo at Jennylyn Mercado.  

Ipinaalam nila ito sa pamamagitan ng vlog nila na “After All” na nasa 10^th episode na.  Nag-decide daw silang iwanan muna ang bahay nila, at lumipat sila sa kanilang condominium unit, nang pareho silang ubuhin, na inabot ng two weeks bago sila gumaling.

      “Nagpasalamat kami ni Dennis na hindi naman covid-19, pagkatapos naming magpa-test,” kuwento ni Jen.

“Nag-decide kaming lumipat muna dahil nag-positive ang ilan sa household namin.  Iniwan nga namin si Jazz, hindi naman siya nagkasakit, pero ang yaya niya ay nakasalamuha ang ibang members ng household.  Hindi naman kami nag-worry dahil may mga nag-alaga sa kanila.”

Hindi naman naging problema kay Dennis na sila lamang dalawa ni Jen ang magkasama.      “No problem sa akin, kayang-kaya ko namang gawin ang mga household chores at pag-aalaga kay Jen.  Nagpapa-deliver kami ng food, pero bago ko ipasok sa loob ng bahay, sanitized na.  

“Hindi ko nakakalimutan ang pagpapainom kay Jen ng mga vitamins niya, alaga ko rin siya sa exercise, light exercise lang like walking, para makapagbilad siya sa araw, na source ng Vitamin D. Pinayagan din siyang mag-swimming, kaya minsan dinala ko siya sa Splash Island at nag-swimming kami.  

“Maganda, kasi na-practice namin ni Jen ang pagiging mag-asawa, na kami lamang dalawa.  Nang mag-test negative na ang mga kasama namin sa bahay, bumalik na kami.”

Sinadya ni Dennis na after ng Legal Wives, ay hindi muna siya tumanggap ng bagong project sa GMA para matutukan niya ang pag-aalaga kay Jen, na nasa 6^th month of pregnancy na at ilang months na lamang ay isisilang na ang kanilang baby girl.

***

KINAGILIWAN ng netizens ang bagong segment ng All-Out Sundays last February 27, titled “Tsismax Sakalam” na parang Stop dance, na may iparirinig na tugtog at kung sino ang gumalaw sa paghinto ng music, ay tatanungin sila ng latest tsismis tungkol sa kanila.

Sina Bea Alonzo, Jasmine Curtis-Smith, Mark Herras, Rhian Ramos, Julie Anne San Jose at Tom Rodriguez ang contestants.

Naghintay ang mga televiewers ng sagot ng bawat isang guest contestants, pero ang pinakahihintay nila ay si Tom kung sasagutin nito ang tanong na siyempre ay tungkol kay Carla Abellana.  

Pero nadismaya ang netizens, at may nag-comment na, “lahat ng tanong sinagot, pero bakit nang si Tom na ang sasagot, biglang nag-commercial, at hindi na ibinalik.”

(NORA V. CALDERON)