Sangkot sa notorious na ‘5-6’ lending business, arestado
- Published on February 17, 2020
- by @peoplesbalita
Muling nagbabala ang Bureau of Immigration (BI) sa mga illegal alien sa bansa kasunod ng pagkakahuli ng limang Indian nationals na iligal na naninirahan sa bansa.
Sinabi ni Immigration Commissioner Jaime Morente na ang mga banyaga ay naaresto sa Davao City sa isinagawang operasyon ng mga operatiba ng BI Intelligence Division Mindanao Task Group (MTG) na pinangunahan ni Intelligence Officer Melody Gonzales.
Ang mga suspek ay kinilalang sina Darshna Devi, Gurbhej Singh Toor, Lovepreet Singh Waring, Amarjit Singh Toor at Sukhmander Singh.
Ang limang suspek na naninirahan sa Brgy. Cabantian, Buhangin, Davao City ay bigo raw magprisinta ng kanilang dokumento na legal residence ang mga ito sa bansa.
Ayon kay Morente, nag-isyu ng mission order ang BI matapos makatanggap ang Immigration ng reklamo sa mga residente ng Davao City dahil sangkot ang mga Indians na mas kilalang Bumbay sa notorious na “5-6” lending business o pagpapautang nang may interest 20 percent.
Nakapiit na ang mga suspek sa BI detention facility sa Camp Bagong Diwa sa Taguig City habang hinihintay ang kanilang deportation. (Daris Jose)
-
Marcos sa political dynasties: ‘Kung gusto maglingkod, hindi mapipigilan’
KAHIT BAWAL sa Article II Section 26 ng 1987 Constitution ang political dynasties, ipinipilit ni presidential bet Ferdinand “Bongbong” Marcos Jr. na hindi dapat pigilan ang sinumang gustong pumasok sa serbisyo publiko — pwede naman daw kasi mawala ang political clans kung ‘di na iboboto ng tao. “You cannot stop people from wanting […]
-
Pinas, Vietnam coast guards magtatatag ng hotline para sa maritime cooperation
KAPWA tinintahan ng Philippine Coast Guard (PCG) at Vietnam Coast Guard (VCG) ang isang kasunduan ukol sa pagtatatag ng “hotline” para palakasin ang komunikasyon sa pagitan ng dalawang maritime security groups. Nilagdaan ang memorandum of understanding (MOU) sa isinagawang state visit ni Pangulong Ferdinand R. Marcos Jr. sa Vietnam kasama sina PCG Chief, […]
-
Bongbong admin ‘posibleng’ makipagtulungan kay Robredo
KUNG si Sen. Imee Marcos ang tatanungin, pwedeng makipagtulungan ang kapatid niyang si President-elect Ferdinand “Bongbong” Marcos Jr. sa karibal at nakalabang si Bise Presidente Leni Robredo — aniya, “walang imposible.” Kilalang kritiko ng Martial Law at dikdatura ni dating Pangulong Ferdinand Marcos Sr. — ama nina Bongbong at Imee — si Robredo, […]