• May 26, 2024
  • Ang Diyaryong Pinagkakatiwalaan

SANYA, masuwerteng napili bilang kapalit ni MARIAN

SI Sanya Lopez nga ang napili ng GMA Network bilang kapalit ni Kapuso Primetime Queen Marian Rivera, after nitong tanggihan ang teleseryeng First Yaya na pagtatambal sana nila ni Gabby Concepcion.

 

Dahil sa pandemya, wala ngang nagawa si Marian kundi mag-beg off na lang ang serye na aminadong gustung-gusto niyang gawin.

 

Pero dahil nga kina Zia at Ziggy, mas pinili talaga niya na ‘wag munang bumalik sa paggawa ng teleserye para na rin sa safety ng pamilya nila ni Dingdong Dantes.

 

For sure, may iba pang aktres na pinagpilian, pero napakasuwerte ni Sanya na siya ang napili ng Kapuso Network at naganap ang big announcement noong Lunes sa 24 Oras at dahil sa kaganapang ito mas tataas na ang level niya bilang Kapuso actress.

 

Una ngang nai-launch si Sanya sa Encantadia bilang Sang’gre Danaya na kung saan nakasama niya si Marian na gumanap na Ynang Reyna Minea.

 

Sa apat na Sang’gre na napili si Sanya talaga ang pinakabago at inintriga pa kung karapat- dapat ba ito sa role.

 

Mukhang hindi naman nagkamali ang GMA, dahil napatunayan ni Sanya ang husay niya sa pag-arte pati na rin kaseksihan na puwedeng ihanay kay Marian.

 

Sa katunayan siya ang napili ng San Miguel Corp. para maging 2020 Ginebra San Miguel calendar girl.

 

Excited at kinakabahan na si Sanya na maging bagong leading lady ni Gabby na gaganap na Vice President at magiging President ng Pilipinas at siya nga ang gaganap na ‘yaya’ para sa mga anak ng presidente.

 

Tampok din sa serye sina Pancho Magno, Cassy Legaspi at Ms. Pilar Pilapil. Ang First Yaya ay sa ilalim ng direksyon ni LA Madridejos. (ROHN ROMULO)

Other News
  • Teves dadalo sa Senate probe ng Degamo slay

    DADALO “virtually” si suspended Negros Oriental Rep. Arnolfo “Arnie Teves Jr. sa imbestigasyon ng Senado kaugnay sa pagpaslang kay Governor Roel Degamo, ayon kay Senator Ronald “Bato” dela Rosa.     Si Teves ang itinuturo ng Department of Justice (DOJ) na utak at financier sa pagpatay kay Gov. Degamo batay sa mga inisyal nilang nakalap […]

  • PDu30, may hawak ng shortlist ng mga kandidato para maging susunod na hepe ng PNP

    NAKASISIGURO si Presidential Spokesperson Harry Roque na mayroon nang hawak na listahan si Pangulong Rodrigo Roa Duterte ng mga posibleng kandidato para maging susunod na hepe ng Philippine National Police (PNP).   Nakatakda na kasing magretiro sa susunod na linggo si Outgoing PNP Chief Camilo Cascolan.   Iyon nga lamang ay wala pang impormasyon si […]

  • Kelot isinelda sa baril sa Caloocan

    HIMAS-REHAS ang isang lalaki matapos makuhanan ng hindi lisensyadong baril sa bisa ng ipinatupad na search warrant ng pulisya sa Caloocan City, kamakalawa ng hapon.     Kinilala ni Caloocan police chief P/Col. Ruben Lacuesta ang naarestong suspek bilang si Eduardo Ocampo Jr alyas “Jun Tattoo” ng Block 25, Lot 24 Madrid Street Tierra Nova, […]