SANYA, pinakamaraming followers na Kapuso star sa TikTok na umabot na ng 10 milyon

DAHIL sa kakaibang karisma at kasikatan ngayon ni Sanya Lopez na kilala na rin bilang Yaya Melody ng ‘First Yaya’, umabot na nga sa 10 million ang followers ng seksing aktres sa patok na social media platform na TikTok.

Sa ngayon si Sanya na ang Kapuso star na may pinakamaraming followers sa TikTok! At talaga namang marami ang nag-aabang sa mga nakaka-aliw na TikTok videos na ina-upload niya.

Aside from her TikTok videos, patuloy lang na tutukan si Sanya bilang Yaya Melody sa ‘First Yaya’, gabi-gabi sa GMA Telebabad at tuwing Sabado bilang Maya sa ‘Agimat Ng Agila’ na pinagbibidahan ni Ramon ‘Bong’ Revilla, Jr.

Samantala, mapapanood na this week ang bikini showdown ang ladies ng ‘First Yaya’ na nalalapit na ang pagtatapos, na kahit bongga ang ratings ng rom-com series nina Sanya at Gabby Concepcion ay hindi na ito mai-extend dahil sa pagkakaalam namin at natapos na ang kanilang lock-in taping.

Anyway, todo pose nga sina Sanya, Cai Cortez, Kakai Bautista, Maxine Medina, Thia Thomalla at Analyn Barro sa swimming pool ng isang hotel. Kaabang-abang na naman ang tapatan ng kaseksihan nina Yaya Melody at Lorraine (Maxine), na for sure, pagkakaguluhan na naman ng netizens.

***

MASAYANG ibinahagi ni Carla Abellana ang good news na kabilang siya sa isang upcoming Kapuso series na ‘To Have And To Hold’.

Nakatakda ngang bumida si Carla sa new GMA series na ito na kung saan makakasama niya si Max Collins na muling napapanood sa rerun ng ‘Innamorata’ sa GMA Afternoon Prime after ng ‘Karelasyon’

Bago pa pala matapos ang high-rating primetime series na nila na ‘Love Of My Life’ noong Marso, nasabihan na si Carla tungkol dito.

Kuwento ni Carla sa kanyang vlog: “It came to my surprise last March when I was informed I was to be part of a new primetime show – something I did not expect because normally I would have at least 4 months off after finishing one.”

“This time around, ‘Love of my Life’ was just about to end and I found myself preparing for a new role almost immediately. Thank you for the blessings, Lord! I promise to do my best,” sey pa niya.

Ikinuwento rin ni Carla na apat na buwan din silang hindi muna magkikita ng kaniyang fiance na si Tom Rodriguez dahil kasama naman ang Kapuso actor sa GMA series na ‘The World Between Us’ kung saan kasama niya sina Alden Richards at Jasmine Curtis Smith.

“Magkahiwalay man kami ng show we’re so thankful kasi at least we get to continue to put food on our table, support our families, and at the same time, prepare na rin financially not just for the wedding but for our dream home na rin,” pahayag pa ng magandang aktres. (ROHN ROMULO)