Savings at Shelter financing ng Pag-IBIG fund, matatag
- Published on November 14, 2024
- by @peoplesbalita
NANANATILING matatag ang savings at shelter financing ng Home Development Mutual Fund (HDMF), o mas kilala bilang Pag-IBIG Fund sa ikatlong quarter ng 2024.
Ito naman ang iniulat ni Domingo Jacinto, Jr., Acting Vice President ng Pag-IBIG Fund sa kanyang pagharap sa Kapihan sa Bagong Pilipinas kahapon.
Ayon kay Jacinto, umabot sa P98.72-B ang kabuuang naipon ng mga miyembro ng Pag-IBIG para sa 3rd quarter kung saan P49.27-B ang mula sa Regular Savings program at P48.86 bilyon mula sa boluntaryong MP2 savings.
Mula rin Enero hanggang Setyembre ng 2024, higit sa 2.5 milyong miyembro ang nakapag-avail ng Multi-Purpose Loan na umabot sa kabuuang P49.72-B.
Habang nakapaglabas din ito ng P88.17-B pondo para sa 61,597 housing loan borrowers.
Samantala, nasa 461,000 biktima rin ng iba’t ibang kalamidad ngayong taon ang natulungan sa Pag-IBIG Calamity Loan.
Bukod sa calamity loan, inaprubahan din ng Pag-IBIG Fund ang pagpapatupad ng isang buwang moratorium para sa bayad sa housing loan ng mga apektadong borrower na naninirahan at nagtatrabaho sa mga lugar na isinailalim sa state of calamity dahil sa Bagyong Kristine.
Maaari pang mag-apply ang mga kwalipikadong miyembro sa naturang moratorium program hanggang Disyembre 31, 2024, sa pamamagitan ng Virtual Pag-IBIG o sa pinakamalapit na sangay ng Pag-IBIG.
-
Gaya ng ginawa sa ‘Miss Grand Philippines 2023’: HERLENE, gagamit uli ng interpreter sa ‘Miss World Tourism’ sa London
KINUMPIRMA ni Herlene Budol na muli siyang gagamit ng interpreter sa Miss World Tourism sa London, gaya ng ginawa niya sa katatapos lang na Miss Grand Philippines 2023. Ginulat ng bida ng ‘Magandang Dilag’ ang lahat nang gumamit siya ng interpreter sa Q&A portion. “Oo. Dito nga po sa […]
-
Sec. Roque, handa nang magpaalam bilang tagapagsalita ng Pangulo
HANDA na si Presidential Spokesperson Harry Roque na magpaalam bilang tagapagsalita ng Pangulo. Kung si Pangulong Rodrigo Roa Duterte aniya ay ito na ang huling State Of the Nation Address (SONA) ay siya naman ay huling SONA niya rin ito bilang tagapagsalita ng Pangulo. “At bagama’t ito pong SONA na ito ay …..ito […]
-
Opensa Depensa CEC Claravall rarampa Rise Up, Shape Up
BIBIDA sa Philippine Sports Commission (PSC) Rise Up Shape Up ang isa sa mga Gintong Gawad 2021 awardee na si Dr. Drolly Claravall sa webisode ngayong Sabado, Perbrero 12. Kinilala bilang PSC Gintong Gawad awardee sa “Makabago at Natatanging Produktong Pang-Isport” ang doktora dahil sa imbensiyon niyang ergonomically designed handheld massage tool na […]