SBP nagpaplano na para sa FIBA ACQ hosting

Simula na ang planning session ng Sama­hang Basketbol ng Pilipinas (SBP) para sa hosting ng bansa ng FIBA Asia Cup Qualifiers sa Pebrero.

Nagsagawa na ang mga opisyales ng SBP ng ocular inspection sa Angeles University Foundation gym sa Angeles, Pampanga na posibleng pagdausan ng mga laro.

Binisita rin ng SBP ang Quest Hotel sa Clark, Pampanga na magiging official residence naman ng lahat ng delegadong darating para sa qualifers.

Kasama sa ocular sina SBP executive director Sonny Barrios, director of operations Butch Antonio, Gilas Pilipinas second window head Jong Uichico at Xander Gubat.

Ang naturang mga pa­silidad ang parehong ginamit ng PBA para tapusin ang Season 45 Philippine Cup.

to rin ang gagamiting pattern ng SBP na sasamahan ng mga health protocols na ipinatupad sa bubble setup ng second window na ginanap sa Manama, Bahrain noong Nobyembre.

Maliban sa venue, tututukan din ng organizing committee ang mga protocols na ipinatutupad ng FIBA sa actual game gaya ng sanitation sa venue at equipment, puwestuhan ng mga coaches at players sa bench, at posisyon ng mga table officials.

Ilalatag din ang pro­seso sa swab testing, transportas­yon mula airpot hanggang hotel, transportasyon mula hotel patu­ngong venue, at iba pang importanteng bagay.