Secretary Rex kay VP Sara: Mga bata dapat proteksyunan ‘di mga nang-aabuso
- Published on August 28, 2024
- by @peoplesbalita
NANININDIGAN ang Department of Social Welfare and Development (DSWD) na dapat lang na pagkalooban ng proteksiyon ang mga bata laban sa mga pang-aabusong pisikal at sekswual.
Hindi mananahimik ang ahensiya sa gitna ng mga seryosong akusasyon laban kay Apollo Quiboloy na nahaharap ngayon sa mga kaso ng human trafficking, sexual exploitation at pang-aabuso sa mga menor-de-edad lalu na’t hindi kayang proteksiyunan ng mga bata ang kanilang sarili.
Ayon kay DSWD Secretary Rex Gatchalian, palagi ng sinasabi ni Pangulong Ferdinand R Marcos, Jr. na labis siyang naaapektuhan sa kinakaharap na pagdurusa ng mga inosente at paulit-ulit ding binabanggit na wala ng iba pang mas masakit kundi makita ang mga batang dumaranas ng pagdurusa, pasakit at walang nakikitang pag-asa sa buhay na kanila ring nadarama upang bigyang pansin ng ahensiya ang mga ganitong uri ng sitwasyon.
Dahil dito, naninindigan ang DSWD sa kapakanan ng mga biktima at nangakong matiyak na maibibigay ang wastong katarungan sa mga naaapi, at marinig ang kanilang tinig.
Nanawagan din ang ahensiya sa bise president at sa iba pang mga lider na makiisa sa pagkakaloob ng proteksiyon sa bawa’t batang Filipino at suportahan ang proseso ng katarungan na kasalukuyang umiiral upang maihatid sa hukuman ang may kagagawan.
Nais din ng DSWD na lahat ng mga namununo at mamamayan ay sumuporta sa legal na proseso sa paghahanap ng hustisya ng mga inosenteng biktima at maparusahan kung sino ang may sala.
Naninindigan ang ahensiya sa pangako ng Pangulong Marcos, Jr. na lumikha ng magandang kinabukasan para sa mga batang mamamayang Filipino at walang maiiwang mag-isa na magdurusa. (Daris Jose)
-
Pamamahagi ng fuel subsidy para sa mga PUV drivers, target hanggang March 25 – DOTr
UMAPELA ang Department of Transportation (DOTr) ng pag-unawa sa ilang PUV (public utility vehicle) drivers na makakaranas ng delay sa matatanggap na fuel subsidy kasunod ng ilang serye nang pagtaas ng presyo ng mga produktong petrolyo. Sinabi ni Transportation Secretary Arthur Tugade na hanggang Marso 25 nila target maibigay sa mga PUV drivers […]
-
P576K halaga ng marijuana nasabat sa Malabon, 4 timbog
SHOOT sa kulungan ang apat na hinihinalang drug personalities, kabilang ang isang bebot matapos makuhanan ng halos P.6 milyon halaga ng shabu sa isinagawang buy bust operation ng pulisya sa Malabon City, kamakalawa ng gabi. Kinilala ni Malabon police chief Col. Albert Barot ang naarestong mga suspek na sina Prea Enate, 21, […]
-
ALBERT, balik-GMA na ngayon na dati niyang tahanan after ten years
AFTER ten years, bumabalik ngayon si Albert Martinez sa dati niyang tahanan, ang GMA Network. Isang GMA Afternoon Prime series ang pagbibidahan niya, titled Las Hermanas, at last Tuesday, February 23, ginanap na ang zoom meeting niya with the creative and production teams ng series, headed by Creative Director Aloy Adlawan. […]