Sen. De Lima tinanggap ang pag-sorry ni Sandra Cam
- Published on January 23, 2023
- by @peoplesbalita
INIHAYAG ng nakakulong na dating senador na si Leila de Lima na tinatanggap niya ang paghingi ng tawad ni dating Philippine Charity Sweepstakes Office (PCSO) board member Sandra Cam.
Ayon kay dating Senator de Lima, masaya siya dahil nagsisi na umano si Cam sa kanyang mga nagawa at malugod niyang tinatanggap ang paghingi ng paumanhin nito.
Aniya, bilang kanyang dating co-PDL (person deprived of liberty) sa loob ng Philippine National Police Custodial Center, naging saksi siya sa mga paghihirap ni Cam dahil sa kanyang kondisyong medikal noong siya ay nakakulong.
Sa isang pagpupulong, inihayag ni Sandra Cam na kamakailan na napawalang-sala sa kasong murder — na ginamit siya bilang isang “tool” para sa pagkulong kay De Lima.
Ayon kay Cam, tumulong siya sa pagkuha ng diumano’y ebidensya laban sa dating senador.
Kaugnay niyan, si De Lima ay nakakulong sa Philippine National Police Custodial Center sa loob ng Camp Crame mula noong Pebrero 2017 dahil sa mga alegasyon na siya ay nakinabang sa illegal drug trade sa loob ng New Bilibid Prison noong siya ay Justice secretary.
Una na rito, hindi bababa sa dalawang testigo, ang self-confessed drug lord na si Kerwin Espinosa at dating Bureau of Corrections officer-in-charge Rafael Ragos, ang nagbawi ng kanilang mga testimonya laban kay De Lima. (Gene Adsuara)
-
Pinas, kinondena ang ballistic missiles na inilunsad ng North Korea
NAKIISA ang gobyerno ng PIlipinas sa mga member states ng Association of Southeast Asian Nations (ASEAN) sa pagkondena sa ginawang paglulunsad ng North Korea intercontinental ballistic missile patungo sa dagat ng Japan. Ang pahayag na ito ni Pangulong Ferdinand Marcos Jr. ay bago ang kanyang naging talumpati sa isinagawang pulong ng Asia Zero […]
-
Singil ng kuryente posibleng tumaas dahil sa SC decision
POSIBLENG tumaas ang singil ng kuryente sa bansa matapos na ideklara ng Korte Suprema na “null and void” ang kautusan ng Energy Regulatory Commission na nagpapatupad ng regulated power rates sa Wholesale Electricity Spot Market (WESM) noong Nobyembre at Disyembre 2013. Base sa court desisyon na ipinalabas ni SC Associate Justice Jhoseph Y. […]
-
Most wanted person sa pagpatay nalambat sa Navotas
SA kalaboso ang bagsak ng isang mister na listed bilang most wanted sa kasong murder matapos malambat ng pulisya sa manhunt operation sa Navotas City, kamakalawa ng hapon. Kinilala ni Navotas police chief P/Col. Dexter Ollaging ang naarestong suspek bilang si Raul Sioson, 56 ng Brgy. NBBN ng lungsod. Sa kanyang […]